التالتــه .. تاتــه !!!

( !!! التالته .. تابتـــه )

ــــــــــــــــــــــــــــــــــــــــــــــــــــــــــ
قبل أى كلام وموضوعات لابد لى أن أشيد .. وأشكر .. وأرفع القبعة .. لأهلى وناسى من أبناء النوبة الأعزاء لوقفتهم الأحتجاجية اليوم أمام مجلس الشعب .. مطالبين بحقوقنا التى طال الزمن لأستردادها .. وضاعت وعود الرئيس مبارك .. أمام أصحاب المصالح الخاصة من وزراء ومحافظين ورجال أعمال .. والتابعين لكل هؤلاء من المنافقين .. وحاملى المشاعل .. والمبخراتية .. ومساحى الجوخ .. لقد تم إذاعة الوقفة الرائعة فى برنامج 90 دقيقة - تقديم معتز الدمرداش - على قناة المحور اليوم الأثنين 23 نوفمبر 2009

من قلوبنا شكرا لكم ياشبابنا .. يامستقبل نوبتنا الغالية .
**********************************

رقم الموضوع :- ( 7 )

التاريــــــــخ :- الأثنين 23 نوفمبر 2009 ( هذه هى المرة

الثالثة ينشر فيها الموضوع للسنة الثالثة

على التوالى !!! )

أسم الموضوع :- التالتــه ... تابتـــه !!!

أسم الكاتب :- صــلاح إدريــس

التصنيـــــف :- مقــال

المصــــــــدر :- ـــــــ

**********************

الأخ العزيز / مدير الموقع .. يرجى التكرمبتثبيت الموضوع حتى آخر يناير 2010 .
ــــــــــــــــــــــــــــــــــــــــــــــــــ

أهلى وناسى وأصدقائى الأعزاء

أرجوكم .. وأتوسل اليكم أن تقرأوا موضوعى بتأنى وتركيز ..وفهم ..ولو قرأته السنه اللى فاتت أو اللى قبلها ..برضه أقرأه تانى .. أقرأه لنفسك ..وسمعه لأصحابك ومعارفك النوبيين .. وعندما ماتقرأه ياريت تتواصل معى .. وتناقشنى .. وتقول رأيك .. وأعدك بالرد فورا .. بس الأول من فضلك أقرأه لأخر كلمة ..

**************

أهلى وناسى وأصدقائى الأعزاء ..

عندى موضوع هام تحدثت فيه من قبل .. وسأتحدث فيه الآنللمرة الثالثة .. وعلشان كده أخترت عنوان الموضوع ( التالته .. تابته ) ولن أمل من الحديث فيه .. لأن فيه تحديد مصيرنا .. وموقعنا فى هذا الوطن .. وبه سنملك مصيرنا .. ولكن قبل أن أسترسل فى الموضوع لابد لى أن أوضحأننى لن أتقدم للترشيح لأنتخابات أى من مجلسى الشعب أو الشورى فى أى يوممن الأيام .. وليست لى أى مصلحة شخصية من تكرار الكتابة فى هذا الموضوعخلاف مصالح أهلى وناسى ..والنوبة كلها ... لذا فإننى أعيد عليكم ماكتبتهسابقا عن ( لعبة المصالح ) ... ولابد لى من الإشارة أن فى المنتدى موضوع يرتبط بموضوع (لعبة المصالح )وأسمه(أحنا برابرة ولا نوبيين ؟؟؟).. أرجوكم ... أرجوكم .. إقرأوا الموضوعينبعناية وتركيز .. ولو أقتنعتم بكلامى عليكم التكرم بتنفيذ المطلوب فوراودون تردد . أما سبب إعادتى الحديث فى هذا الموضوع هو أن باب إستخراجالبطاقات الأنتخابية مفتوح من أول نوفمبر وحتى آخر يناير .. وبعد ذلكلن تتمكن من إستخراج البطاقة الأنتخابية إلا العام القادم فى نفس الموعد .. فهيا ياشباب لننحى السلبية جانبا .. ونتخذ موقفا إيجابيا تكون فيهمصلحتنا العامة .. وقبلها مصلحتنا الشخصية .. كيف ؟؟ من فضلك إقرأ الموضوعلتعرف كيفية إستفادتك شخصيا ...
الموضوع التالى تم نشره فى كل المنتديات النوبية فى نوفمبر 2007.ونوفمر 2008 ..وهاهو فى نوفمبر 2009.

**********************************

لعبة المصالح !! ؟؟
لعبة لازم يلعبها النوبيون علشان يكسبوا !!
ـــــــــــــــــــــــــــــــــــــــــــــــــــــــــــــــــــــــــــ
أهلى وأخوانى وأخواتى وأبنائى النوبيون ، لعبة المصالح ياجماعة هى لعبةهامة وكبيرة ، وبتلعبها الدول الكبيرة، والمؤسسات الكبيرة ، والدولالصغيرة برضة بتلعبها بس على قدها ، واللعبة بسيطة جدا ، بس لازم تكونلعبة جماعية ، يعنى ماينفعش واحد ،أو أثنين ، أو عشرة آلاف يلعبوهاويكسبوا ، لأنه ببساطة علشان نكسب لازم نلعبها كلنا مع بعض ، وبتنظيم واحدوترتيب واحد ، وساأشرح لكم اللعبة وطريقتها ، وأهدافها ، بس أرجوكم أصبرواعلى ، وأقرأوا الموضوع لغاية آخرة ، وأنا زى ماأنتم ملاحظين أنى باأحاولكل كلامى يكون بالبلدى الفصيح ، علشان يوصل بسهولة ، وماحدش يمل منى ،وكمان علشان الرسالة توصل لكل الشرائح الممكنة من أهلنا النوبيينأيه بقى الموضوع ووجع الدماغ اللى عامله لكم ده !! أنا أقول لكم ياجماعةالخير ، برغم أن مافيش أحصائيات بعدد النوبيين بالضبط - ولا حتى من غيرضبط ، ولا حتى للمصريين عموما وكل واحد يقول 75 مليون ، أو 76 مليون أو 80 مليون .. لكنالحقيقة ماحدش عارف العدد بالضبط ، ولكن بالنسبة لنا أحنا النوبيين لوحسبناها كدة بالعقل ، حانكون من 4 الى 5 مليون نسمة ، لأن اسكندرية لوحدهامن 500 الف الى 750 ألف ، وببساطة لو أضفنا عليها القاهرة والسويسوالأسماعيلية وأسوان وقرى التهجير ، وأبنائنا بالخارج سنجد أن العددبالفعل قد يصل الى 5 مليون نسمة ، لغاية هنا واللعبة فى صالحنا ... طيبكام واحد من دول عنده بطاقة أنتخابية ؟؟ ماأعتقدش حايكون أكتر من 100 ألفيعنى حوالى 2% فقط وعلى فكرة بقية الشعب المصرى ال75 مليون ، عدد بطاقاتهمالأنتخابية مابيعديش النسبة دى ، لكن لما بيروحوا ينتخبوا بيكونوا أقل منكدة ، وماتسمعوش كلام ال20% وال30% اللى بتنشرها الجرايد القومية ، كل دهكلام كذب وبكش ولاصحة له .. طيب أحنا عايزين البطاقات الأنتخابية فى أيه ؟أنا أقول لكم ، طبعا أنتم شايفين أن من يوم ربنا ماخلق حاجة أسمها مجلسالشعب أو الشورى ، ومافيش نائب نوبى واحد عمل حاجة عليها القيمة للنوبةوولادها ، ممكن يكون عمل لولاده هو !! لكن لولاد النوبيين لأ.. أحنا بسنشوفهم قبل الأنتخابات بأسبوعين تلاته ، وبعد كده نجح أو سقط مانشوفش وشهتانى !!، وحتى ياأخى مابنشوفش وشهم فى التليفزيون لما ييجوا يذيعوا برامجمجلس الشعب ، وزى مايكونوا لابسين طاقية الآخفاء ، أو مكسوفين منالتليفزيون ، والحقيقة هما ياأما نايمين داخل المجلس والكاميرا مش عايزةتجيبهم علشان الفضايح أو نايمين فى بيوتهم وماحضروش خالص ، لكن ممكنتضبطهم وهما بيلهفوا الكام ألف كل شهر من المجلس ، أو عند أى وزير بيخلصوافيها مصالحهم الشخصية ، ده لو عرفوا يخلصوها أصلا ، لأنه معروف عنالنوبيين الطيبة ، وأحنا زى ماأنتم عارفين وزارائنا مش عايزين الطيبة ،فالطيب عبيط فى نظرهم ، وعلشان تخلص مصالحك لازم تكون مشاغب وسخيف ولسانكطويل ، يعنى لازم أستجوابات وطلبات أحاطة وأسئلة وتواجد مستمر بالمجلس ،ولكن تقول لمين ومين يسمع أحنا نوابنا مالهمش فى الحاجات دى علشان كدهمابيعرفوش يخلصوا مصالحهم الشخصية ، والنبى بقى تقولوا لى اذا كان نوابنامش عارفين يخلصوا مصالحهم الشخصية !!! أمال حايخلصوا مصالح النوبيين أزاى؟؟ طبعا مش ممكن ، طيب والحل أيه ؟ حانفضل كده طول عمرنا ، مضطهدين ،ومظلومين ، وحقوقنا ضايعة من 46 سنة مش عارفين حتى نستكمل تعويضاتناالقديمة ، اللى دفعنا تمنها أرض ونيل ونخيل وعضام الأجداد وذكريات العمركله وفكرت .. وفكرت .. ومالقيتش غير حل واحد يخلى كل أعضاء مجلسى الشعبوالشورى نوبيين غصب عنهم ، وماتخافوش مش حانعطيهم الجنسية النوبية أبدا !! بس حانخليهم يتمنوها .. ويجروا ورانا ويبوسوا أيدينا علشان نعطيهم جنسيتناالنوبية ، ومش بعيد تلاقى بعضهم داهن وشه أسود ، أو يقعد أسبوعين تلاته فىالشمس علشان يسمر بس علشان يكسب ودنا ورضانا ؟؟ طبعا بتقولوا على مجنون مشكدة ؟؟ أسمعونى بس .. لو أفترضنا أن المصريين اللى لهم حق الأنتخاب حوالى 15 مليون نسمة ، ودول اللى معاهم بطاقات أنتخابية ، ومنهم على الأقل 8 أو 9 مليون مابيروحوش ينتخبوا أى حد أما لكسل أو عدم ثقة فى العمليةالأنتخابية أو عدم ثقة فى الحزب أو الحكومة ، والأغلبية بيقولوا ياعم يعنىاللى حاننتخبه ده حايعملنا أيه ؟؟ بلاش وجع قلب وخللينى قاعد جنب عيالى أوأشرب حجرين معسل أحسن لى !! اذا اللى بيروحوا ينتخبوا بالفعل عددهم حوالى 7 أو 8 مليون بالكتير ، طيب ياسادة لو أحنا قدرنا نطلع 2 أو 3 أو 4 مليونبطاقة أنتخابية يبقى كده أحنا قريبين من نص عدد الناخبين المصرييبنوحانكون متوزعين فى أنحاء الجمهورية وكل واحد فى مكانه مش حايسيبه ، يعنىاللى فى نصر النوبة زى ماهما واللى فى اسكندرية زى ماهما ، وهكذا كل واحدفى مكانه مايغيروش علشان نكون منتشرين بالفعل فى ربوع مصر كلها ، عارفينياجماعة الخير بعد مايكون عندنا العدد ده من البطاقات الأنتخابية أيه اللىحايحصل ؟؟ أقسم لكم بشرفى حاتلاقوا كل أعضاء المجلس خدامين للنوبيين ،يحققوا أحلامنا قبل أن نحلمها ، الشباب حايلاقى الشقق بسهوله فى مساكنالشباب والكل بيقول له والنبى تقبل!! ، ستوزع الأراضى الزراعية وأراضىالبناء للخريجين بالهبل والأولوية لنا ، ستجد تبرعات رجال الأعمل لزفافجماعى لشباب وشابات النوبيين فى أرقى الأماكن ، وعلى أنغام أشهر الفنانين، ستجد معاشات تم تخصيصها لكبار السن من أهلنا النوبيين ، سيتحايلون علينالأستلام أرضنا حول بحيرة السد ، وسيتسابق رجال الأعمل لبناءها لنا علىأحسن الطرز المعمارية ، ستصبح الدنيا بمبى .. بمبى .. بمبى .. وسنعوض كلمافاتنا أنشاءالله ، وكل ده ليه لأننا نملك الأصوات التى تنجح ده أو تسقطده ، ترفع الحزب ده أو تنزل بالحزب ده ، وأصواتنا دى مش حانديها لحد إلااللى يشوف لنا مصالحنا ويحققها لنا ... وحانروح بعيد ليه تعالوا شوفواوأسألوا عن النائب خالد أحمد خيرى بيعمل أيه فى دايرة العطارين فىالأسكندرية ، لمجرد وجود ألفين تلاته بطاقة أنتخابية فى الدايرة دىمنالنوبيين ، الراجل ده فى الحقيقة كويس وبيحقق كل مطالب النوبيين بداية منالتبرعات وحتى فض المنازعات والوساطات وغيره ، ومن قبله كان والده أحمدخيرى ، بنفس الطريقة فى نفس الدايره ومن قبله على فرج المحامى ومن قبلهمبثينة الطويل المحامية وزيهم كتير فى كل أماكن التجمعات النوبية لمجردوجود ألف ولا ألفين نوبى معاهم بطاقات أنتخابية فى الدايرة دى ولا دى ... و هى دى لعبة المصالح ، أنت مصلحتك عندى ماقلناشس حاجة وأحنا كمان مصلحتناكذا وكذا وكذا ، حقق لنا نصف مصالحنا دلوقت والنص التانى بعد الأنتخابات .. صدقونى سيتسابق الجميع لتنفيذ رغباتنا وأمانينا ، وحتى بعد أنتهاءالأنتخابات لن تنتهى اللعبة فمازالت البطاقات معنا ومازلنا فى اللعبةوسيحرص المرشح الجديد أو اللى نفسه يدخل المجلس الموقر على كسب رضاناوودنا ، ولنا أن نطلب تحقيق كل أمانينا ومنها مثلا أرض كبيرة فى المدنالجديدة لتجتمع فيها الأندية النوبية .. وبالذمة مش عيب لغاية دلوقت مافيشنادى نوبى واحد عنده ملعب غير ملعب البنج بونج على ترابيزة صغيرة أما فىالصالة أو فى الحارة اللى فيها النادى . وكل نوادينا فى الحوارى الضيقةووسط الكثافات السكانية العالية ، وماتشمش غير ريحة المجارى الضاربة أوالزبالة اللى فى الشارع أو على أحسن الفروض ريحة التقلية بتاعة ملوخيةالست أم بعجر اللى ساكنة فى الغرفتين اللى ملاصقة للنادى ده ولا ده ،وعايز أقول لكم حاجة بسيطة جدا نادى الصيد المصرى بالأسكندرية من شهرينتقريبا أخذ تخصيص من محافظ الأسكندرية ب 50 فدان فى مدينة برج العربالجديدة ؟؟ تخيلوا 50 فدان يعنى أكتر من 200 ألف متر مربع وعدد أعضاؤهلايتعدى ال20000 عضو ، وأحنا اللى بالملايين لسه مزنوقين ومحشورين فى حارةالليثى وحارة بطوطه وعطفة الجحش ، والله حرام .. حرام .. وده الوقتالمناسب اللى لازم نفوق فيه ، ولازم نعرف حقوقنا فين وندور عليها ،وناخدها بكل الطرق طالما هى حقوقنا . فأنا باأرجو من كل شاب ، وكل شابه ،وكل رجل وأمرأه التوجه فورا لقسم الشرطة اللى أنت تابع له وقدم بطاقتكالقومية أو الشخصية ، وسيقومون باستخراج بطاقتك الأنتخابية وأنت واقف أوبالكتير حايقول لك تعالى خدها بكرة أو بعده ، بس بالله عليك لاتضيع هذهالفرصه على نفسك وعلى أولادك وأحفادك ومستقبل عائلتك كله ، وأوعى تروحلوحدك .. ياريت تاخد معاك الحاجة والدتك والحاج والدك وخالك أو عمك وولادخالك وولاد عمك أو أصدقاؤك وكل معارفك من النوبيين ، ولو ماقدروش ييجوامعاك أشرح لهم الموضوع والفكرة ، وخد منهم وعد أنهم يستخرجوا البطاقة دىبكرة ولا بعده . وعلى فكرة أستخراج البطاقات الأنتخابية له وقت محدد وهوالمرة دى من بداية نوفمبر ( شهر 11 ) لغاية آخر شهر يناير يعنىأمامنا شهرواحد لإستخراجها ولابد من البدء فورا ، وبعد أستخراج البطاقاتستكون هناك مرحلة تانية ، بس ياريت كل واحد يستخرج بطاقة أنتخابية يبلغالنادى أو الجمعية اللى تبعه بأنه يملك بطاقة أنتخابية حتى نتمكن من تنظيمالعملية فى المراحل اللى بعد كده ، وحاجة أخيرة لازم أقولها ياجماعة أقسملكم بالله العظيم ثلاثة أنه لايوجد لدى أى غرض من هذا الموضوع غير صالحالنوبة والنوبيين ، يعنى أنا لا عايز ولا ناوى أرشح نفسى فى أى مجالستشريعية أو غيرة وكفاية قوى على عضوية المجلس الشعبى المحلى لمحافظة جنوبسيناء لأربع دورات ممتالية والحمدلله ، ومش عايز أى مناصب سياسية أو غيرسياسية ولا عايز أى حاجة خالص وزى ماقلت أن ده لغرض واحد وهو النوبةوالنوبيين وبس . وأنا على أستعداد لتقديم كل مشورة ومساعدة وتليفوناتىموجودة لدى الجميع وعموما هى 0122805158 وبريدى الأليكترونى هو

salahedris@gmail.com

اللهم جمع شملنا ، ووحد صفوفنا ، وأنصرنا ، وحقق أمانينا وأحلامنا ، وأرزقياالله أولادنا وأحفادنا ، وورثهم أخلاقنا ، وحلالانا ، وأجعل دنياهم أحسنمن دنيانا،واجعل حظهم أحسن من حظنا .

صـــــلاح ادريـــــــس