عاطف السماني قصة ريد بين مسلم و مسيحية

الفنان عاطف السماني ورائعة قصة ريد بين اتنين بين مسلم ومسيحيه

كلمات الاغنية

قصة ريد بين اتنين بين مسلم ومسيحيه

> احلف ليها بالاسلام وتحلف بالمسيحيه

> ولي عقيده مابتنفات وديني كمان عزيز ليه

> الا الريده مابتعرف قيود واديان سماويه

> تدخل في قلوب الناس زي افراح ربيعيه

> انا شاب اسمر من السودان اصيل وقبيلتي جعليه

> حفيد ناس ملو التاريخ قصص وامجاد بطوليه

> في اقصى الشمال شبيت هناك في قريه عاديه

> اصلي واصوم واهدي الناس وجيت من اسره دينيه

> صدري عريض قدر تربال وكلو سماتي ريفيه

> عندي خشونه في صوتي كمان معروفه ايديا

> اجي والقاك بلا ميعاد زمامي .............؟؟؟؟!!!

> انتي مابتخلفي عن ناسنا الهناك في قريه عاديه

> وفيها النيل وفيها نخيل وساقيه تنوح وطوريه

> عينيك زي بنات بلدي وافراحك طفوليه

> وبس لكن خدر عينيك واحنا عيونا خمريه

> وصوتك انتي لما يلوح صوت ازان وقمريه

> وفي خديك زهور نايرات مفتحه منقه هنديه

> سالتني عن السودان والخضره الطبيعيه

> عن الابنوس وسن الفيل وغابات استوائيه

> قالو ليك اسود (وحوش) ناسنا بياكلو الميته والحيه

> انتي جيتي تحققي الرؤيا تشوفي ادله مرئيه

> سريع اتمازجت روحنا فاضت ريد وحنيه

> اتبادلنا بالاحضان ودبتي هوا وغرام فيا

> اتفارقنا من يوم داك ومااتواعدنا بالجيه

> خفت الناس يشوفوني يقولو بحب خواجية

> ويسمعو ناسنا بالقصه قصه حب مسيحيه

استمعو الى الاغنية ومنتظر ردودكم ,,,,,,,,,

http://www.4shared.com/file/66059374/bc792b5/____.html

تقبلوا خالص تحياتي