بعض الاقتراحات مع الادراة

السلام عليكم ورحمه الله وبركاته

اسره واداره منتديات توماس وعافيه

بغض النظر عن مشرف او عضو او ادارى

لان كلنا بنكمل بعض فى المنتدى

انا شايف ان طموحات الاداره حاليا مقتصره فى عدة اشياء بسيطه جدا لاتحصى

مثلا الاكتفاء بنشاط المنتدى فقط من خلال اعضائه يجب التغير والتجديد

لكل يكون منتدى توماس وعافيه مميز ويجذب الاعضاء ويجبرهم لكل يستمروا فى الابداع للمنتدى

ليس فقط من خلال نشاط المنتدى الداخلى ممكن يكون فى اقسام مهمه كتيره تفيد الاعضاء

مثل قسم تراثى يتحدث عن النوبه الام وليس توماس وعافيه فقط

او قسم عن النوبيين بالخارج ومتابعه ابناء النوبه بالخارج والاطمئنان عليهم

واقسام اخرى واخرى

واتمنى ان يكون طموحكم عالى الفكر بانشاء نشاطات خارجيه مستقبلا وليس حاليا

لان المنتدى غير مخصص للاعضاء داخل جمهوريه مصر العربيه فقط او النوبيين

بالعكس ممكن يكون فى اعضاء جوربتيه او نوبيين مقيمين بالخارج فلما يدخلو المنتدى

يلاقو ان منتدى توماس وعافيه شامل وليه مقتصر على حاجه معينه

بالنسبه للمنتدى انا شايف ان لسه فى حاجات كتيره لسه مش متفلعه

ايقونه التوقيع وحجم نقط التوقيع حتى ايقونه الموضوع مش متفعله بالكامل ابسط مثال حجم النصوص والكلمات

واستايل المنتدى انا شايف انه وحش خالص مع ان فى تركيب تصميمات فى لوحه المفتايح بتاعت التحكم بتاعت الموقع

عباره عن تصميمات جاهزه ولو الاستايلات شكلها وحشه ممكن الادارة تركب استايلات اخرى

فى معلومه اخرى لازم نكون كلنا متفقين عليها

ان الموقع عباره عن منتدى مجانى والتصميمات مجانيه حتى الدردشه عباره عن صفحه

bhb

وممكن فى اى لحظه او فتره وجيزه شهرين او تلت اشهر او ممكن اسبوعين

يتم غلق المنتدى ومسح ملفات الكوكيز الداخليه للموقع

يعنى الاداره لو تشترى مساحه من الموقع الام الراعى للمنتديات المجانيه وتحجز مساحه بسعر مخصص حيكون افضل واحسن

بدل مانتفاجئ فى يوم ان الموقع مغلق وحتى لو يشترك الاعضاء مع الاارة فى حجز المساحه مش مشكله ده تنبيه مش تونيه

وربنا يوفقنا كلنا انشاء الله ولو الادارة احتاجت حاجه فى التصميمات او تعديل لوحه المفاتيح الااداريه انا تحت امركم

آسف للاطالة

اولا انت ميش عاجبك حاجه حالص فى المتدى 7مشاركات وال7 مشاركات نقض يعنى ميش عاجبك حاجه خالص
ثانيا لو ميش عاجبك المنتدى شوف منتدى على مزاجك واعمل منتدى انت عايزه بدال النقض بتاعك ده
ثالثا اى شئ شايفها ادارة المنتدى فاهو صح لانك ميش ادرى بمصلحة المنتدى اكثر من اصحابه
رابعا ملحوظه :-لو عايز تشوف منتدى تانى على مزاجك ادارة المنتدى ميش هتمنعك وقت ماتعوز تمشى مع الف سلامه المنتدى منتدى النوبه كلها ميش توماس وعافيه بس
لو عايز تدور على منتدى او تعمل منتدى ليك خاص تمشيه على هواك مع الف سلامه

اليكترون مش حرد عليك عشان انت شكلك بتعانى من حاجه

بس حوضحهالك فى كلمتين انا لو مش هاممنى المنتدى ده ماكنتش دخلت

وقلت راى فيه ولا اى ؟

هلا انا نوبى الله عليك وعلى حماسك لرفعه المنتدى يا تايجر
شكرا ليك وشكر لكل من يساهم فى رقى المنتدى وعلى فكرة احنا كلنا واحد والكلمة من حق الجميع
واحنا فعلا بنحاول نطور فى المنتدى على قد ما نقدر والاستيل فى خطة للتطوير
ومنتظرين كل فنان راقى مثلك للرقى بالمنتدى معانا وايد لوحدها متسقفش
وكنت اتمنى انك كنت تشوف المنتدى فى بدايتة كان ازاى واتحسن بمقدار قد اية
بعض الاقتراحات مع الادراة A5c1dff509

هو فهلا الموقع ناقصه حاجات زي مثلا الاستايل والاقسام
والاهم من دة ان لسة في ناس مش عارفة الموقع خالص يعني في مشكلة واضحة جدا في الدعاية
وعلى فكرة المفروض ان يكون في اجتماع كل شهر مثلا لمشرفي الموقع كلهم علشان يشوفوا كل جديد
وياريت يحضروا الاعضاء علشان التعارف لان اصلا الموقع من اهدافه الهامة التعارف بين الشباب
وياريت البوابة يكون فيها تعديل اكتر من كدة لان البوابة دي هي الواجهة اللي هاتشجعني لدخول المنتدى وطبعا البوابة دي الموجودة حاليا مفهاش اي نفع خالص

وبعدين يالكترون قسم الاقتراحات اتعمل للي عنده اقتراح او راي او مشكلة ومن حق (انا نوبي)انه يقول رأيه
ومش من حقك انك تحاسبه على رأيه ولا من اي حد فينا انه يعارضه

عليك نور يا محمد

المهم اننا كلنا اعضاء من اجل التطوير من موقع توماس وعافيه

وكلنا فى الاول والاخر واحد وكل راى ببيكمل الاخر لكن

الظاهر ان الاخ اليكترون ماعندهوش اسلوب فى الكلام

اخ محمد الكترون بيقول

ثالثا اى شئ شايفها ادارة المنتدى فاهو صح لانك ميش ادرى بمصلحة المنتدى اكثر من اصحابه

لو احنا الاعضاء فعلا مش داريين بمصلحه المنتدى فكانو خلو كل الاعضاء اداريين

وماكنتش الاداره فتحت قسم الاقتراحات والشكاوى ولا اى ؟

بالظبط اديك قولتها منتدى الاقتراحات والشكاوى يعنى الاقتراح فى محله ميش النقض زالكلام زى الصاروخ كده بس وعلى فكره انا استخدمت اسلوبك فى النقض عشان تعرف طريقة كلامك بتبقى ازاى ونظام الانف العاليه اللى بتستخدمها فى طريقة كلامك

مش انف عاليه

هو الاقتراحات فيها انف عاليه

ليه ياليكترون كلنا مسلمين وبشر

انا لو بستعمل الانف العاليه ماكنتش قلتلك اخ اليكترون

السلام عليكم
ورحمة الله وبركاته
ازيك يا اخ تايجر
انا بس اتمنى منك انك تساعدنا في رفعة المنتدى
وتشاركنا بمواضيعك المهمة واللي احنا متوقعين منك الكتير
بسبب حماسكده
وانا لاحظت ان ليك ميول في موضوع الكمبيوتر فياريت تشارك وبكل حماس فيه

علشان ان امفيش حد معاي في القسم ده
ونظرا لضيق الوقت
محتاجة حد يثري القسم ده

وانا مستنية مشاركاتك المميزة
ودايما انا لي قناعة ماشية بيها في حياتي الا وهي
انه لو فرضنا وبلدنا عبارة عن عربية وغرست في رملة
لو كل واحد اعد يشيل العربية من جهة واعد وجيه واحد يقلل من جهودهم ويقلل حماسهم
حتى لو هو شايف ان هم ضعفاء
الاولى بيه انه كمان يروح يشوف ازاي هيقدر يشيل معاهم العربية
وايد على ايد العربية هتطلع من الرملة وهتجري زي الصاروخ
وشكرا اوي

الاخت ايماك

اولا انا معاكم فى منتدى توماس وعافيه مش عشان انا ليه اصدقائى

مشتركين فيه او او بالعكس عشان فعلا مش شرط انا بس اكيد فى كتير

غيرى نفسهم يعملو حاجه لبلدهم حتى اضعف الايمان انهم يتناقشو عن

طريق المنتدى

انا سعيد بانضمامى لاسره توماس وعافيه

مش شرط قسم الكمبوتير بس انا فعلا ليه ميول للكمبيوتر عموما

وفى لاول والاخر كلنا اعضاء مافيش فرق بين ادارى ولا مششرف وبنكمل بعض

بروح واحده وحماس كامل

انا فهمت وجهت نظرك فى الحكمه الى قلتيها

لكن انتى مافهمتيش وجهت نظرى

ان الموقع عباره عن منتدى مجانى والتصميمات مجانيه حتى الدردشه عباره عن صفحه

bhb

وممكن فى اى لحظه او فتره وجيزه شهرين او تلت اشهر او ممكن اسبوعين

يتم غلق المنتدى ومسح ملفات الكوكيز الداخليه للموقع

مش معنى كده انى بحسسكم بالملل او بقتل مجهوداتكم كاعضاء نفسكم تعملو حاجه للموقع

زى منا كمان عايز اعمل حاجه بس مش عايز فى يوم من الايام تدخلى مثلا الموقع او يدخل

عضو يلاقى الموقع مغلق نهائى ده ابسط الايمان

المنتديات المجانيه عباره عن مواقع بتكون راعيه للمنتديات المجانيه بتقسم المنتديات من المساحه بتاعتها

عشان كل عضو يشترك ويعمل منتدى وفى الاخر بعد فتره يتم غلق المنتدى عشان يكون كوسيله ضغط

انك تشترى مساحه من اول وجديد وتحجز دومين باسم المنتدى بتاعك وهكذا

طيب النقطه الاهم دلوقتى اننا ناسس المنتدى من جذور قويه عشان فعلا مانحسش اننا مجهوداتنا

ضاعت هباء مستنى ردك برضه انتى وباقى الاعضاء

حتى على الاقل نحجز مساحه وناسس منتدى شامل كبقيت المنتديات مش مجرد موقع مهدد بالقفل بعد فتره

[b]الاخوه والاخوات الافاضل

السلام عليكم

اول مشاركه لي بالمنتدي شاء الله لها أن تكون هنا في هذا الباب لانني مع من يطالبون بالرقي بالمنتدي وتغيير اسلوبه والدعايه له انا عرفت المنتدي بالصدفه الباحته من احد المواقع النوبيه ودهشت ان المنتدي له مده موجود ولم نسمع عنه ايضا استأت اشد الاستياء من اسلوب المهاترات بين الاخوه الاعضاء مثل اللي مش عاجبه يشوف منتدي تاني 00واعمل لك منتدي علي كيفك 00كل هذا لان يرقي بالمنتدي بل سيهبط به لاسفل سافلين
للعلم انا نوبي من توماس وح اقدم نفسي في باب التعارف

دمت بكل حب وود واحترام

د0 هاني بخاري

استشاري الجراحه

زميل كليه الجراحين البريطانيه[/b Embarassed

احب ان ارد عليك اخي تايجر على انه فعلا جاري التحضير لانشاء دومين خاص باهل توماس وعافية
وحاليا بنبحث على افضل العروض من قبل الشركات المتخصصة في هذا المجال حنى لانندم بعد ذلك على اختبار اي عرض بعشوائية
ولو انتا تعرف اي شركة ياريت تقول عليها

وياريت كلنا نساعد بعض علشان نتقدر ترفع بمستوى المنتدى علشان نقدر بقلب جامد نطلب الفلوس الخاصة بالدومين من المسؤلين

وبالنسبة للاخ هاني ..هو فعلا في نقص في الدعاية عن المنتدى بس كل دة هايتغير مع الموقع الجديد لان في افكار جديدة وبالذلت عن الدعاية بس احنا عايزين المساعدة منكم كلكم من افكار ومواضيع او اي حاجة خاصة بالموقع الجديد

الاخ محمد

ananoby_tiger@yahoo.com

ده ايميلى وفى كزا شركات استضافه وتصميم كمان

اتناقشو فى المووضوع وانا تحت امركم

وده رابط لموقع انا نوبى

http://www.ananopy.com/vb

شركه شركه استضافه مواقع وتصميم

بس انا شايف ان مافيش تحفيز للفكره من اساسه

لا والله في حافز وقوي بش المشكلة الحالية هي المادة منين هانجيبها وازاي هنردها ازاي ننضمن ان الموقع يمشي من غير تعطيل من الناحية المادية ومش عايزين الاستعجال

بالعكس مافيش اى مشكله من ناحيه الماده

ممكن تتقسم على الاداريين والمشرفين

وفى نفس الوقت ممكن نحاول نخفض من الفلوس لابسط سعر

يعنى نحجز مساحه مؤقته ونشتغل بيها

ولما ربنا يكرم انشاء الله نزود المساحه ومش خسارنيين حاجه

انا معاك بجد

وعلشان تكونوا معانا
احنا فعلا دورنا على عروض
واعتقد لقينا افضل عرض يدخل ما بين 300 الى 500 ج
في اغلى من كده طبعا

بس اهو ده احسن حاجة لقيناها
علشان بيبقى في حجز الدومين
وكمان الهوست
+ الsupport
او الدعم الفني

لكن المشكلة بجد
ان اللي عامل الموقع ده وهو احمد التوماسكي
جزاه الله خيرا

وهو شاب زيه زينا
مش بقى جمعية او جهة مسئولة يقدر يتحمل تكاليف ده لوحده

وانا معااااااااااااااااك اوي
في ان احنا نجمع من بعض
واحمد التوماسكي يعمل موضوع بده
وعادي بيحصل في اي موقع مجاني جزء خاص للتبرعات
زي اسلام واي ومواقع تانية كتير
المهم
تكون فكرة الموضوع عن اعلان تبرع لصالح المنتدى

ونحدد مثلا نسبة معينة
ما يقلش مثلا عن 20 ج
ولو 20 عضو بس اتبرعوا هنقدر نغطي المصاريف

20 * 20 = 400

وانا مستعدة وانا بقول اهو
انا اول واحدة يا احمد
اما طريقة التوصيل بقى فهي سهلة ابقى ابعت لك رسالة خاصة واقولك ازاي

اهو اول 20 ج
مين يزايد
الا اونه الا ادونه
الا تريه

وياريت كمان لو عندك يا انا نوبي
اي عروض هوست ودمين
تبقى تبعتها لاحمد التوماسكي

علشان ندرسها
وربنا ييسر الحال

تشكري جدا emak على حماسك تجاه المنتدى
وانا هاكون معاكي وهاتبرع سواء بالمال والمجهود علشان حلمي يحصل واشوف موقع رسمي لتوماس يحاكي المواقع النوبية الاخرى
وانا والله بحاول اساعد وابحث عن افضل العروض لكن مشكلتي ان خبرتي قليلة في مجال انشاء المواقع
علشان كدة انا مش عايز استعجل

والفلوس والله امرها سهل اوي وبأي طريقة ممكن تيجي

وانا عندي اقتراح وهو ان احنا ممكن من دلوقتي نعمل البنية الاساسية للموقع زي اسمه واللوجو والاقسام اللي جواه والشات...
يعني الحجات دي على الاقل علشان نوفر الوقت لو الفلوس جت

يا حج محمد البنيه الاساسيه دى الموقع عموما شامل

الى انت بتسميه البنيه الاساسيه دى كلها بتركب فى اقل من ساعتين بالظبط مافيش وقت حيتوفر

لان فى ساعتين ممكن اركبلك الموقع ككل على الدومين بتاعك بس المشكله فى كده ان بجد انا

شايف ناس متحمسه للمموضع وناس تانيه مش متحمسه

يعنى حتى ايماك لما اتكلمت عن الفكره اتكلمت عن نفسها ماتكلمتش عن اسم الادارة

والادارة الى هى احمد طبعا ماشفتش حتى ولا وجهت رايه ايه ده على الاقل يكون فى تواصل

بين الاداريين والمشرفيين على امور الموقع !

بس عموما ربنا يوفق الجميع الفكره عندكم لو حبيته تطبقوها طبقوها وانا اتمنى التوفيق لجميع الاعضاء

لكن عن نفسى من اللحظه دى اعتزر عن الاستمرار معاكم وربنا يوفق الجميع