حتي لا نصدم بتوماسوكي عافيوكي سوهاجي الاصل

قريه توماس وعافيه القديمه القابعه علي ضفاف البحيره
نفتخر ان الاسم لا زال موجوداا في المكان الاصلي للقريه
ولكن
من هناك
عدد ضخم من المساكن والاراضي الزراعيه تم تسليمها رغم انفنا لابناء الصعيد غير النوبيين
طبعاا في المستقبل القريب المستوطنين دول نسلهم هيبقي برضه رغما عن انفنا مواليد توماس وعافيه
وله انا غلطان لاسمح الله
يعني ممكن تقابل شخص في اسوان وتتعرف بيه يقولك انا خلف الدهشوري خلف
من توماس
ويطلع البطاقه
والبيانات طبعاا صح
حقه
من مواليد توماس
الحكومه بتقول كده
وكمان ممكن يجادلك
ويقولك احنا الاصل
انتو اتهجرتو
طيب
ماشي
ايه بقي الحل
يا تري
مستني ردودكم

الحل ان لازم كل الزموز النوبية المعروفة تستتخدم كل الطرق المشروعة لاثبات حق اهل توماس وعافية في هذه الاراضي ويكون معاهم رؤساء الحمعيات كلهم

غير كدة في طرق زي الصحافة والاعلام اللي عن طريقها نبرز هذه القضية

شكرا اخـ ميدو على طرحك لهذا الموضوع الجيد الرائع وايضا للأسف الملموس بس الحل صعب انه يتحقق دلوقتي ومستقبلا والسبب في كدة انا احنا الشباب مش قادرين نستوعب الكلام ده كل الناس بتقول هنروح وهنعمر وهنعمل وهنسوي بس اللي انا شفتو منيهم انه ده كلام وبس للأسف مفيش فعل وانا سمعت بالرحلة اللي كانت في توماس كومبو في العيد الكبير والناس اللي راحت وشافت البلد وانا شخصيا شفت الصور وعجبتني البلد جدا بس بيني وبينكم مشوار طويل من اسوان لحد هناك وسمعت برده ان البلد ليها داخلة حوالي 45كيلو لحد جوة البلد من الطريق العمومي يعني اللي لازم يروح هناك على الاقل لازم يكون معاه عربية خاصة بيه او مجموعة رايحين ومتجهين للبد دي بالتحديد وده برده في حد ذاته صعب جدا اما عن الناس اللي مقيمة حاليا هناك دول غاوين كدة وجين من بلادهم ايا كان سوهاج ولا كفر الشيخ ولا المنصورة ولا ادفو هما جيين لغرض معين وهو الزراعة الشاطئية

اما عن موضوع الاخ محمد كل الناس اتكلمت و الجمعيات بصراحة مقصرتش والاعلام برده زي مانتو عارفين الشخصيات النوبية اللي ظهرو في برنامج العاشرة مساء وبرنامج البيت بيتك وغيرها من القنوات الفضائية والقضية مازالت مطروحة بس الاهم من كدة الناس لازم تتحرك وتنوي على كدة مش كلام والسلام

اسف للإطالة ومحتاج اشوف اراء باقي الناس وشكرا

شكراا محمد علي مرورك

بس برضه ده مش حل
لان احنا جربنا موضوع الاعلام والصحافه
ولا حياه لمن تنادي

اتشرفت بمرورك دكتور عبد الله
انا واحد من الشباب النوبيين اللي مستصعب جداا فكره العوده
ليه لان زي ما انت اتفضلت وقلت
المسافه البعيده جداا عن اسوان
وايضاا 45 كيلو عن الطريق السريع
وايضاا ان مفيش نشاط غير الزراعه
والصيد
وانا متاكد ان الغالبيه العظمي من الشباب بتوعنا لا ليهم في الزراعه ولا في الصيد
يعني
صعب
صعب
وبعدين في حاجه مهمه
ان الحكومه مش ممكن هتمشي الناس اللي جبتهم دول
يعني المشكله لا زالت قايمه
حتي لو شباب من عندنا راحو الغرباء لا زالو موجودين
انا بقي الحل من وجهه نظري ايه
وده حل قابل للمناقشه
ان احنا نستغني عن المسمي
يعني نستغني عن اسم توماس وعافيه
يسمو المنطقه دي زي ما يسموها
الا توماس وعافيه

حتي نحافظ علي الكيان والهويه

وما باليد حيله

معاك حق يا ميدو في كل اللي قلته معظم الشباب عندنا في البلد دلوقتي اهم حاجة بيفكرو فيها رخصة وعربية

والنص التاني بيسافر علشان يشتغل في مصر

أما عن موضوع الاعلام والصحافة انا متابع اعمال اللجان المتابعة في مصر واسكندرية في قناة صوت النوبة من موقع

youtube

بس انا عندي اقتراح كويس ليه منعملش رحلات مستمرة للبلد القديمة وننسق مع توماس اسنا يعني مجموعة

يطلعوا من عندنا ومجموعة يطلعوا من توماس اسنا ويروحوا وهيكون كيوم ترفيهي بالنسبة للشباب ويكون كل

شهر او كل شهرين مرة ونعرف الناس الموجوده هناك ان البلد دي بتاعتنا و برده نشوف الشباب اللي لسة

بتزرعة في البلد ويروحوا وممكن يزرعوا هناك ويكون ليهم اراضي وبرده يروح بعد كدة ويشوف الزرع

بتاعه وكل مرة تكون مجموعة شكل وماشاء الله الشباب كتير سواء كان في اسنا او عندنا وممكن

يلاقوا مصلحة هناك احسن من البلد اللي موجودين فيها

مشكور توماس لورد

بس انا شايف بخصوص موضوع المساكن اللى استحوذ عليها الصاعيده

المفروض اهل البلد مكنوش ادوا فرصه للصعايده انهم يسكنوا فىالبيوت دى

اول مكانت البيوت اتعملت كانوا شباب البلد على طول اشتروا بدل ميدو فرصه للصعايده انهم يا خدوها

اما موضوع الاراضى ده فده بقى شغل حكومه لأن الناس كلها اللىارضيها متاخدمه منها واخده حكم من المحكمه

واصعيدى اللى ماسك الارض مش عاوز يخرج منها حتى من 8 سنين فى توماس وعافيه اسنا حصلت مشكله ما بين الصعايده والنوبيين اهل البلد وكان فى ضرب وتدخلت الشرطه وبعد اييه اخدنا الارض بس هل كل واحد ارضه متاخده منه

يخدها بالدراع؟

- اولا اشكرك شكر جزيل اخ ميدو على الموضوع وثانيا لابد من سؤال الجهات المختصة التى تناولت هذا الموضوع ومن ثم بناء هذه القرى الجديده وخطة عملهم فى مواجهة هذه المشكلة ولابد من سؤالهم هذا السؤال ولهذا لابد من الا يكون لشباب مثلنا منهج اوطريق معين يصطفون فيه وراء الرموز النوبية او الذين يبذلون جهدهم من اجل القضية وهم كما نعلم جميعا بكل اسف مفرقون مشتتون وهنا يأتى دورنا فى محاسبه كل واحد منهم اذا اخطأ لايعقل ان اكون على طريق اينعم يدعو لمصلحتى ولكن اذا اخل بشئ لا
- يوافق وجهه نظرى ان اوفقه عليه
- ودعونا نتكلم بصراحة موضوع العوده لن يكون لاحد نصيب فيه الا من معه نصاب من المال يستطيع به شراء ارض له وضمان مستقبل لاولاده والقيام بمشروع له هناك غير هذا لن يتحقق وهذا من وجهه نظرى ولكن ما يقال غير هذا لايكون سوى مجرد شعارات تستغل به عاطفة كل فرد نوبى
- واسمحو لى بتعليق ضغير للاخ محمد اقول لك اخى الكريم ان رؤساء الجمعيات معظمهم اتجاهاتهم متضاده وكل مجموعة لها وجهه نظر
- وشكرا لكم جميعا . وربنا يوفق الجميع .
</LI>