((((توماس))))((((عافية))))

نوبى اصيل
 
اليوميةاليومية  البوابةالبوابة  س .و .جس .و .ج  بحـثبحـث  التسجيلالتسجيل  المجموعاتالمجموعات  دخول  الرئيسيةالرئيسية  مكتبة الصورمكتبة الصور  </a><hr></a><hr>  
المواضيع الأخيرة
» الامبراطور ..........لعبه جديده
الجمعة أبريل 26, 2013 1:40 pm من طرف احمد التوماسكى

» مكتبه الفنان :: اسامه الروس ::
السبت مارس 03, 2012 3:07 pm من طرف مصطفي توماسوعافية

» الـبـيـسمـبـيـس
الخميس أغسطس 11, 2011 1:37 pm من طرف جنة ابوسمبل

» بيسمبيس
الخميس أغسطس 11, 2011 1:04 am من طرف جنة ابوسمبل

» أم الدرداء تطلب زوجا فى الدنيا .. زوجا فى الجنة .
الخميس أبريل 28, 2011 10:48 pm من طرف صلاح ادريس

» تهنئة بسلامة الخروج الي حضن الاهل والاسرة
الأربعاء أبريل 27, 2011 10:48 am من طرف أبو يحي

» الي روح بو عزيزي
الجمعة مارس 18, 2011 11:26 am من طرف احمد التوماسكى

» موضوع هام جدا للمناقشة
الأربعاء مارس 16, 2011 7:27 pm من طرف صلاح ادريس

» دعوة لثورة أكبر
الإثنين فبراير 21, 2011 11:51 pm من طرف صلاح ادريس


شاطر | 
 

 لــدى حلــــم !!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صلاح ادريس
عضو شـــغـــا ل
عضو شـــغـــا ل
avatar

ذكر
عدد الرسائل : 124
العمر : 66
مزاج :
الدولة :
تاريخ التسجيل : 07/08/2009

مُساهمةموضوع: لــدى حلــــم !!   الأحد يوليو 18, 2010 9:38 pm





[size=25][b][b][size=25]بســـم الله الرحمــن الرحيــــم [/size][/b][/b]

[b][b][size=25]ــــــــــــــــــــــــــــــــــــــــــــــــــ ــ[/b][/size][/b]





[b]( هل أتعشم من إدارة المنتدى التكرم بتثبيت الموضوع للمدة المناسبة التى تراها )
[/b]
[b]ــــــــــــــــــــــــــــــــــــــــــــــــــ ــ [/b]





[b][b][size=25]لــدى حلـــــم !![/b][/b]






[b][b]*************[/b][/b]






[b][b]رقم الموضوع :- ( 76 )[/b][/b]





[b][b]التاريــــــــخ :- الأحد 18 يوليو 2010[/b][/b]





[b][b]أسم الموضوع :- لــدى حلـــــــــم !![/b][/b]





[b][b]أسم الكاتــــب :- صــــلاح إدريــــــس[/b][/b]





[b][b]التصنيـــــــــف :- أمــــــــل .[/b][/b]





[b][b]*************[/b][/b]






[b][b](( مقال كتب خصيصا لمجلة ( فريج ) ـــ أبو سمبل[/b][/b]





[b][b]وتم نشره فى عدد يوليو 2010 ))[/b][/b]





[b][b]*********[/b][/b]






[b][b]فى البداية أتقدم بخالص الشكر والتقدير لأسرة أبو سمبل .. وأسرة تحرير مجلة فريج .. وأخص بالشكر السيد / إيهاب جمال حسنين لتكرمه وأسرة المجلة بتشريفى بالكتابة الدائمة فى مجلة فريج .. وتخصيص صفحة أو نصف صفحة لمقالاتى .. وأدعو الله أن أكون عند حسن ظنهم .. وظنكم جميعا .[/b][/b]





[b][b]*************[/b][/b]




[b]لــــدى حلـــــــم !! [/b]
[b]************** [/b]





[b][b]( لدى حلم أو I HAVE A DREAM ) .. هذه الجملة عملها أوباما شعارا له ولحملته الأنتخابية .. وأنا مش حاأعتذر لأوباما عن أستعارتى هذه الجملة عنوانا لمقالى .. لأنها مش جملته أصلا .. ده كان شعار الزعيم الأمريكى الأسود ( مارتن لوثر كنج ) اللى ظل طوال حياته يكافح سلميا ، لتحقيق المساواة بين السود والبيض فى أمريكا .. وقد حقق الله حلمه أخيرا .. وها هو أحد تلاميذه يرأس الولايات المتحدة الأمريكية .. وذلك كان حلما بعيد المنال ..[/b][/b]





[b][b]وعلشان ماتقولوش على مجنون لازم أفكركم أن كل مانعيش فيه الآن من رفاهية تكنولوجية وعلمية كانت مجرد أحلام .. بداية من السيارة والطائرة والتليفزيون والكمبيوتر .. وحتى الفيمتو ثانية .. كلها كانت أحلام ومع الأبحاث والدراسات تحققت بمرور الوقت ونضج الحلم .. وأصبح حقيقة ملموسة نستعملها .. ونعيشها .. وتساعد على راحتنا جميعا ..[/b][/b]





[b][b]وأنا عندى حلم نوبى قديم .. بس علشان يتحقق الحلم ده لازم نتفق كلنا عليه .. وننظر اليه بتمعن وتفكير .... وحلمى ياأخوان بسيط جدا .. فالنوبة غنية بأولادها .. وفخورة بهم .. أحنا دلوقت عندنا عباقرة من المحامين والمهندسين والأطباء والقضاة ورجال الأعمال وغيرهم الكثير والكثير .. طيب أحنا برغم وجود هذه الكوادر كلها لسه برضه بنعانى من أخذ حقوقنا الضايعة .. وحقوق أولادنا فى الوظيفة والزواج والشقة والعلاج والمعيشة الكريمة .. والمشكلة دى مش مشكلة النوبيين بس .. لكن مشكلة المصريين كلهم ..[/b][/b]





[b][b]طيب ليه أحنا مانحاولش نحل بعض المشاكل دى بأنفسنا !! أقول لكم أزاى بس تابعوا الفكرة للنهاية وبعدين يهمنى قوى أعرف رأيكم .. ليه مانعملش شركة مساهمة نوبية .. يساعدنا أولادنا المحامين والمحاسبين على إنشاؤها فى هيئة الأستثمار .. وتكون عبارة عن أسهم .. يشترك فيها كل النوبيين .. لو عملنا مثلا السهم بـ 10 جنيه وكل واحد فينا أشترى 5 أسهم على الأقل وأحنا عددنا حوالى 2 مليون .. حانقول مليون واحد اللى حايشترى الأسهم فى البداية يبقى 50 جنيه ( 5 أسهم ) X مليون شخص = 50 مليون جنيه .. ومش حاأكلمكم على مجلس إدارة منتخب وموثوق فيه .. وإشراف مالى وإدارى عالى والحاجات دى ممكن تتعمل وتتاخد الضمانات بسهولة جدا .. لكن حاأكلمكم على أهم جزء فى حلمى وهو مايمكن أن تحققه هذه الـ 50 مليون ..[/b][/b]





[b][b]نشترى أراضى زراعية فى النوبة أو أسوان أو توشكى .. ونعمل مشاريع زراعية .. وصناعية زراعية ينفذها ويديرها أبنائنا من المهندسين الزراعيين والفنيين والمزارعين العاديين بأشراف خبراء بالطبع .. نعمل مشاريع سياحية ( فنادق ومراكب وشركات سياحة ) برضه ينفذها ويديرها ولادنا .. ودى مش محتاجين خبراء أو مستشارين .. و المشاريع دى .. أو المشروع أو أثنين دول حايشغلوا كتير من الشباب .. وحايعمروا جزء كبير من النوبة .. وبعد سنة أو أتنين من بداية المشروعات دى نقتطع من أرباحها نسبة نحددها ( مسبقا ) ونحطها وديعة فى أى بنك .. ومنها نصرف على الأسر الفقيرة .. ونبنى المستشفيات والمدارس .. نعمل مراكز تدريب ، وتأهيل لشبابنا ، فى الميكانيكا ، والكهرباء ، والتكنولوجيا بأنواعها لأنها متطلبات العصر والسوق .. ونطور مراكز الشباب .. ونعمل مراكز ثقافية .... وبعد كام سنة تزيد أرباحنا .. نشترى قناة فضائية تتحدث بأسمنا يديرها ويقدم برامجها ولادنا وبناتنا ... ونزود مشروعاتنا مشروع وراء التانى .. وكلها بتدر أرباح فنقدم خدمات أكبر وأحسن ... لغاية مانحقق الأكتفاء التام ، والعيشة الكريمة الآمنة لكل نوبى ونوبية على أرض مصر ..[/b][/b]





[b][b]أنا عارف إن ده حلم ومش واضح قوى كمان !! .. يمكن مش واضح علشان حلم !! .. لكن فكر فيه !! .. فكر فى أننا ممكن بالحلم ده نملك مصيرنا .. لأن المشكلة فى مصر إن اللى معاه فلوس هو اللى صوته مسموع .. وأحنا حايكون معانا فلوس بإذن الله ... وصدقونى الصورة وقتها حاتختلف تماما !![/b][/b]





[b][b]وماتقوليش 50 مليون حايعملوا أيه ولا أيه ؟ لأ ياعزيزى الـ 50 مليون دول بداية .. وبداية ممتازة جدا .. لو أحسنا توظيفهم .. وأحسنا أختيار من يديرهم .. بمجلس إدارة محترم يضم خبراء قانونيين وماليين وإداريين عندهم الخبرة ونثق بهم وبنزاهتهم ..[/b][/b]





[b][b]هو ده حلمى الكبير .. يتحقق السنة دى أو السنة الجاية أو اللى بعدها .. مش مهم !ّ! المهم أنه يتحقق .. وأنا من دلوقت بأطالب وأرجو من أخواننا وأبنائنا المحامين والمحاسبين يقولوا لنا رأيهم .. ويحطوا الخطوط العريضة للمشروع وللشركة المساهمة .. و من فضلكم فكروا وأ ضيفوا حلمكم لهذا الحلم .. وأحذفوا اللى مايعجبكمش .. المهم شاركوا برأيكم ورؤاكم فى تحقيق هذا الحلم .. وهل هو حلم صعب المنال ؟ أم سهل ؟ .. ولا ده كابوس مش حلم ؟ .. أرجوكم تواصلوا معى عبر منتدياتنا النوبية والسودانية أو الفيس بوك أو إميلى المنشور أدناه .. ومع مجلة فريج .. ومنتدى ونادى أبو سمبل لنناقش الموضوع بكل جوانبه .. فالحقيقة ده مش حلمى أنا لوحدى .. ولكنه حلمنا كلنا ... لأننا لو بطلنا نحلم نموت .[/b][/b]






[b][b]بقلــــــــــم[/b][/b]





[b][b]صـــــلاح إدريـــــــــــــــــــس[/b][/b]





[b][b]salahedris@gmail.com[/b][/b]



[/size][/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لــدى حلــــم !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
((((توماس))))((((عافية)))) :: ¤؛°`°؛¤ المنتديات العامه ¤؛°`°؛¤ّ :: °¨¨™¤¦ توماس(( التنمية الذاتية))عافية ¦¤™¨¨°-
انتقل الى: