((((توماس))))((((عافية))))

نوبى اصيل
 
اليوميةاليومية  البوابةالبوابة  س .و .جس .و .ج  بحـثبحـث  التسجيلالتسجيل  المجموعاتالمجموعات  دخول  الرئيسيةالرئيسية  مكتبة الصورمكتبة الصور  </a><hr></a><hr>  
المواضيع الأخيرة
» الامبراطور ..........لعبه جديده
الجمعة أبريل 26, 2013 1:40 pm من طرف احمد التوماسكى

» مكتبه الفنان :: اسامه الروس ::
السبت مارس 03, 2012 3:07 pm من طرف مصطفي توماسوعافية

» الـبـيـسمـبـيـس
الخميس أغسطس 11, 2011 1:37 pm من طرف جنة ابوسمبل

» بيسمبيس
الخميس أغسطس 11, 2011 1:04 am من طرف جنة ابوسمبل

» أم الدرداء تطلب زوجا فى الدنيا .. زوجا فى الجنة .
الخميس أبريل 28, 2011 10:48 pm من طرف صلاح ادريس

» تهنئة بسلامة الخروج الي حضن الاهل والاسرة
الأربعاء أبريل 27, 2011 10:48 am من طرف أبو يحي

» الي روح بو عزيزي
الجمعة مارس 18, 2011 11:26 am من طرف احمد التوماسكى

» موضوع هام جدا للمناقشة
الأربعاء مارس 16, 2011 7:27 pm من طرف صلاح ادريس

» دعوة لثورة أكبر
الإثنين فبراير 21, 2011 11:51 pm من طرف صلاح ادريس


شاطر | 
 

 قالولى بتحب مصر .. قلت مش عارف !!

اذهب الى الأسفل 
كاتب الموضوعرسالة
صلاح ادريس
عضو شـــغـــا ل
عضو شـــغـــا ل
avatar

ذكر
عدد الرسائل : 124
العمر : 67
مزاج :
الدولة :
تاريخ التسجيل : 07/08/2009

مُساهمةموضوع: قالولى بتحب مصر .. قلت مش عارف !!   الثلاثاء يونيو 15, 2010 12:23 am


قالولى بتحب مصر قلت مش عارف !!
ــــــــــــــــــــــــــــــــــــــــــــــــــــــــــــــــــــــ
رقم الموضوع :- ( 67 )
التاريــــــــخ :- الأحد 13 يونيه 2010
أسم الموضوع :- قالوا لى بتحب مصر قلت مش عارف!.
أسم الكاتــــب :- تميـــم البرغوتـــى .
التصنيـــــــــف :- شعـــــــــــــــــــــــــــــرى .
****************
التعريف بالكاتب :-
أهلى وناسى واصدقائى الأعزاء ..
أسمحوا أن أستفيض بعض الشىء فى تعريفكم يالشاعر الشاب ( تميم البرغوتى ) .. لأن هذا شأننا دائما فيمن ننوى أن نتناول لهم عدة أعمال فى منتدانا .. فلابد لكم من التعرف عليه جيدا حتى يمكنكم متابعة أعماله الأدبية وأنتم تعلمون سيرة صاحبها الذاتية .
تميم البرغوتى أحد الشعراء الشباب الذين يشار أليهم بالبنان .. أستطاع بموهبته وإحساسه المرهف أن يسطر العديد من القصائد بالعامية المصرية .. وبالفصحى .. وبالعامية الفلسطينية .. وأيضا له عدة مقالات وبعض الكتب .
فإن تميم البرغوثي شاعر فلسطيني ولد بالقاهرة عام 1977. من أم مصرية عظيمة هى الكاتبة المعروفة ( رضوى عاشور ) .. ووالده هو الشاعر الفلسطينى المعروف ( مريد البرغوتى ) .. ولتميم البرغوتى خمسة دواوين باللغة العربية الفصحى وبالعاميتين الفلسطينية والمصرية هي:
ميجانا عام 1999ـــــ المنظر عام 2002
قالوا لي بتحب مصر قلت مش عارف عام 2005
مقام عراق عام 2005 ـــ في القدس 2008
حصل على الدكتوراه في العلوم السياسية من جامعة بوسطن بالولايات المتحدة الأمريكية عام 2004
وعمل أستاذاً مساعداً للعلوم السياسية بالجامعة الأمريكية بالقاهرة ، ومحاضراً بجامعة برلين الحرة ، كما عمل بقسم الشؤون السياسية بالأمانة العامة للأمم المتحدة بنيويورك ، وبعثة الأمم المتحدة بالسودان ، وباحثاً في العلوم السياسية بمعهد برلين للدراسات المتقدمة وهو يعمل حالياً أستاذاً مساعداً للعلوم السياسية في جامعة جورج تاون بواشنطن.
و له كتابان في العلوم السياسية : الأول باللغة العربية بعنوان : الوطنية الأليفة : الوفد وبناء الدولة الوطنية في ظل الاستعمار صدر عام 2007ـــ
والثاني بالإنجليزية
Umma and the Dawla : the Nation state and the Arab Middle East
عن مفهومي الأمة والدولة في العالم العربي صدر بلندن عام 2008 .
والآن هيا لتستمتعوا معى بقصيدته العامية الرائعة
((( بس قبل ماتقرأوها لى عندكم رجاءين لازم تنفذوهم بإذن الله للإستمتاع بهذه المقطوعة الشعرية الرائعة التى خلبت لبى فقرأتها عدة مرات .. الرجاء الأول أن تقرأوها بصوت عالى .. مش عالى قوى بس تسمعه وأنت بتنطقه .. لأن دى مزيكا جميلة سيعجبك الأستماع اليها جدا .. ويختلف الوضع تماما بين أن تقرأ القصيدة بعينيك فقط .. وبين أن تقرأها بعينيك ولسانك .. جرب وأعلمنى !! الرجاء الثانى أن تتمعن وتتفهم وتفكر فى كل كلمة تنطقها .. وتقرأها .. وكل معنى يقصده شاعرنا الشاب .. ولو نفذت كل ذلك أكون قد نجحت بحمد الله فى توفير متعة ذهنية وثقافية لكم .. ونحتاجهما جميعا .
*****************************************
( قالوا لى بتحب مصر قلت مش عارف )
***************
قالولي بتحب مصر فقلت مش عارف
المعنى كعبة وانا بوَفْد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف

*****
ما يجيش في بالي هرم ما يجي في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا ام كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل

*****

قالو لي بتحب مصر فقلت مش عارف
لكني عارف بإني إبن رضوى عاشور
أمي اللي حَمْلَها ما ينحسب بشهور
الحب في قلبها والحرب خيط مضفور
تصبر على الشمس تبرد والنجوم تدفى
ولو تسابق زمنها تسبقه ويحفى
تكتب في كار الأمومة م الكتب ألفين
طفلة تحمّي الغزالة وتطعم العصفور
وتذنِّب الدهر لو يغلط بنظرة عين
وبنظرة أو طبطبة ترضى عليه فيدور
*****
وأمي حافظة شوارع مصر بالسنتي
تقول لمصر يا حاجّة ترّد يا بنتي
تقولها احكي لي فتقول ابدأي إنتي
*****
وأمي حافظة السِيَّر أصل السِيَّر كارها
تكتب بحبر الليالي تقوم تنوَّرْها
وتقول يا حاجة إذا ما فرحتي وحزنتي
وفين ما كنتي أسجل ما أرى للناس
تفضل رسايل غرام للي يقدّرها

أمي وأبويا التقوا والحر للحرة
شاعر من الضفة برغوثي وإسمه مريد
قالولها ده أجنبي ، ما يجوزش بالمرة
قالت لهم ياالعبيد اللي ملوكها عبيد
من إمتى كانت رام الله من بلاد برة
يا ناس يا أهل البلد شارياه وشاريني
من يعترض ع المحبة لما ربّي يريد
*****
كان الجواب ان واحد سافر اسرائيل
وانا أبويا قالوله يللا ع الترحيل

*****
دلوقت جه دوري لاجل بلادي تنفيني
وتشيِّب أمي في عشرينها وعشريني
يا أهل مصر قولولي بس كام مرة
ها تعاقِبوها على حُبَّ الفلسطيني
*****

قالولي بتحب مصر فقلت مش عارف

بحب أقعد على القهوة بدون أشغال
شيشة وزبادي ومناقشة في مآل الحال
وبصبصة ع البنات اللي قوامهم عال
لكن وشوشهم عماير هدها الزلزال
بحب لمعي وحلابِسَّة ومُحِّب جمال
أروح لهم عربية خابطة في تروللي
كإنها ورقِة مِسودّة مرميّة
جوّاها متشخبطة ومتكرمشة هيّه
أو شلّة الصوف ، أو عقدة حسابيّه



*****
سبعين مهندس ولا يقدر على حلي
فيجيبوا كل مفكّاتهم وصواميلهم
ويجرّبوا كل ألاعيبهم وتحاييلهم
ساعات كمان يغلطوا ويجربوا فيّه
بس الأكيد أنهم بيحاولوا في مشاكلي
وإنها دايماً أهون من مشاكلهم

*****

أحب اقعد على القهوة مع القاعدين
وابص في وشوش بشر مش مخلوقين من طين
واحد كإنه تحتمس ، يشرب القرفة
والتاني غلبان يلف اللقمة في الجرانين
والتالتة من بلكونتها تنادي الواد
والواد بيلعب وغالبهم ثلاثة اتنين
أتوبيس كإنه كوساية محشي بني آدمين
أقول بحكم القاموس ، إن الهواء جماد
واشم ريحة شياط بس اللي شايفه رماد
عكازة الشيخ منين نابت عليها زناد
يسند على الناس ويعرج من شمال ليمين
والراديو جايب خبر م القدس أو بغداد

*****


قالولي بتحب مصر فقلت مش عارف

قطر الندى قاعدة بتبيع فجل بالحزمة
أميرة عازز عليها تشحت اللقمة
عريانة ما سترها الا الضل والضلمة
والشعر الابيض يزيد حرمة على حرمة
والقلب قايد مداين زي فرشة نور
والفرشة واكلاها عتة والمداين بور
اللي يشوفها يقول صادقة حكاوي الجن
واللي يشوفها يقول كل الحقايق زور



*****
عزيزة القوم عزيزة تشتغل في بيوت
عشر سنين عمرها لكن حلال ع الموت
صبية تمشي تقع ويقولوا حكم السن
وسِتّها شعرها أصفر وكلّه بُكَل
كإنها مربية فيه اربعين كتكوت
ووشها زي وش الحاكم العربي
كإن خالقها راسمها على نبوت
تحكم وقطر الندى تسمع لها وتئن
أصل البعيدة وليّة أمرها ، عجبي
على الهوا بحجة الكسوة يقيموا له سور



*****
أحكي يا قطر الندى والا ما لوش لازمة
حكاية ابن الأصول تفضل معاه لازمة
فيه ناس بتلدغ وناس ليها البكا لازمة
ياللي سطلت الخليفة بجوز عينين وشعور
كنت سما للأغاني والأغاني طيور
مين اللي باعك ، عدوك ، بعض أولادك
مين اللي كانوا عبيدك صاروا أسيادك
مين اللي سمى السلاسل في إديك دِبَل
مين اللي خط الكتاب مين كانوا أشهادك
وازّاي متى سألوكي " هل قبلتِ به "
سكتِّ ومشيتِ يا مولاتي في الزفة
لبنان وغزة وعراق فينا العدو تشفى
حطوا جثثنا يا حاجة تحت سجادك
ووقفت تستنى خيط الدم يبقى بحور



****
قالولي بتحب مصر فقلت مش عارف
لا جيتها سايح ولاني أعمي مش شايف
بلد علمها انمزع والرفّا في المساجين
ومهر مربوط في كارو وباله في البساتين
وابو زيد سلامة على كرسي وكيس جلوكوز
لجنة مشايخ تناقش فتوة الأراجوز
سؤال نعيش أو نموت، فيه لا يجوز ويجوز



*****
لو السقوف خايخة نسندها بحجارة وطوب
لكن ده لوح القزاز كله ضرب تشريخ
لو الولد حرف في الآية ، ها يبقى يتوب
بس المصيبة إذا الآية اخترعها الشيخ



****
يا مصر كومة حروف إبر المعاني فين
إبر بتجرح إيدينا قبل ما بتبان
نسرك في بال السما بيقول حدودها منين
نسرك بياكله الصدا في بدلة السجان
*****
يا قلعة السجن يا قلعة صلاح الدين
أنا بقولك وأهلي ع الكلام شاهدين
لو كنت حرة ما كناش نبقى محتلين

*****

والناس شكاير صريخ رابطين عليها سكوت
آهات سَكوتَة كإن الأرض مستشفى
مطرودة منها الدكاترة ف سجن أو منفى
والناس بتسأل هنصبر والا نتوفى
فيه ناس تقول زي بعضه دول نوعين م الصبر
وناس تقول زي بعضه دول نوعين م الموت
يا مصر بعض التسامح يبقى عار وبأجر
إفتكري " لا تحسبّن " مكتوبة فوق كام قبر
والتار يبات يصحى تاني لو يشيب الدهر
والتار حصان غير لصاحبه ما يلين ضهر
والتار تار العرب وعشان كده تار مصر
*****
قالولي بتحب مصر فقلت مش عارف
لا جيتها سايح ولاني أعمى مش شايف
ولاني هايف اردّ بخفّة وبسرعة
وكل من رد يا كذاب يا هايف

أصل المحبة بسيطة ومصر تركيبة
ومصر حلوة ومُرَّة وشِرْحة وكئيبة
دا نا اختصر منصب الشمس وأقول شمعة
ولا اختصر مصر وانده مصر يا حبيبة

*****

يا أهل مصر اسمعوني واسمعو الباقيين
إن كنت انا رحّلوني كلنا راحلين
يا أهل مصر يا أصحابي يا نور العين
يا شنطة المدرسة يا دفتر العناوين
يا ضغطة البنت بالكراسة ع النهدين
ترقص قصاد المراية ، واحنا مش شايفين
يا صحن سلطان حسن يا صحن كحك وتين
يا ألف مدنا وجرس ، لألف ملّة ودين
يا أهل مصر اسمعوني ، والكلام أمانات

*****
قلتولي بتحب مصر فقلت مش عارف
روحوا اسألوا مصر هيّه عندها الإجابات


***************


أتمنى أن أكون قد أحسنت الأختيار لهذه القصيدة الرائعة .. لهذا الشاعر الشاب والذى سنلتقى مع العديد من أعماله الشعرية قريبا بإذن الله .. وإلى أن نلتقى بعمل أدبى آخر .. لكم كل الحب والإعزاز .. وأنتظرونى

أختيار وتعليــق
صــلاح إدريـــس

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قالولى بتحب مصر .. قلت مش عارف !!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
((((توماس))))((((عافية)))) :: ¤؛°`°؛¤ المنتديات العامه ¤؛°`°؛¤ّ :: °¨¨™¤¦ توماس(( الــعـــام ))عافية ¦¤™¨¨°-
انتقل الى: