((((توماس))))((((عافية))))

نوبى اصيل
 
اليوميةاليومية  البوابةالبوابة  س .و .جس .و .ج  بحـثبحـث  التسجيلالتسجيل  المجموعاتالمجموعات  دخول  الرئيسيةالرئيسية  مكتبة الصورمكتبة الصور  </a><hr></a><hr>  
المواضيع الأخيرة
» الامبراطور ..........لعبه جديده
الجمعة أبريل 26, 2013 1:40 pm من طرف احمد التوماسكى

» مكتبه الفنان :: اسامه الروس ::
السبت مارس 03, 2012 3:07 pm من طرف مصطفي توماسوعافية

» الـبـيـسمـبـيـس
الخميس أغسطس 11, 2011 1:37 pm من طرف جنة ابوسمبل

» بيسمبيس
الخميس أغسطس 11, 2011 1:04 am من طرف جنة ابوسمبل

» أم الدرداء تطلب زوجا فى الدنيا .. زوجا فى الجنة .
الخميس أبريل 28, 2011 10:48 pm من طرف صلاح ادريس

» تهنئة بسلامة الخروج الي حضن الاهل والاسرة
الأربعاء أبريل 27, 2011 10:48 am من طرف أبو يحي

» الي روح بو عزيزي
الجمعة مارس 18, 2011 11:26 am من طرف احمد التوماسكى

» موضوع هام جدا للمناقشة
الأربعاء مارس 16, 2011 7:27 pm من طرف صلاح ادريس

» دعوة لثورة أكبر
الإثنين فبراير 21, 2011 11:51 pm من طرف صلاح ادريس


شاطر | 
 

 الرسالة الرابعة لحراجى القط .

اذهب الى الأسفل 
كاتب الموضوعرسالة
صلاح ادريس
عضو شـــغـــا ل
عضو شـــغـــا ل
avatar

ذكر
عدد الرسائل : 124
العمر : 67
مزاج :
الدولة :
تاريخ التسجيل : 07/08/2009

مُساهمةموضوع: الرسالة الرابعة لحراجى القط .   الأحد مارس 14, 2010 11:06 pm

[size=25]


[size=25]الرسالة الرابعة لحراجى القط .



ــــــــــــــــــــــــــــــــــــــــــ





رقم الموضوع :- ( 39 )



التاريــــــــخ :- الأحد 14 مارس 2010



أسم الموضوع :- الرسالة الرابعة لحراجى القط



أسم الكاتب :- الشاعر الكبير / عبد الرحمن الأبنودى .



التصنيـــــف :- شعر



**************************




أهلى وناسى وأصدقائى الأعزاء ..




موعدنا النهارده مع رسالة حراجى القط الرابعة لمرته فاطنة أحمد عبد الغفار .. لكن هذه الرسالة مختلفة .. لأن تعب وشقى العمل بالسد العالى .. والخطر والأهوال التى بيقابلها الرجالة هناك .. والعيشة الناشفة الصعبة عليهم أكتر من جبلاية الفار .. زرعت فى قلوبهم الرهبة والخوف .. وكمان طول البعد عن الأهل والخلان .. ملأ قلوبهم لوعة وحنين للعودة .. وكيف مانقول فى النوبة والسودان أصبحوا (فاقدين حنان ) علشان كده رسالة حراجى القط الرابعة فيها شوية ألم مدفون!! .. زهق مليان فى العيون والعقول .. لما قريت الرسالة أول مرة حسيت باللى حكيته لكم .. وكان لازم أوضح لكم رؤيتى .. علشان تقروها وأنتم حاسين بالاوسطى حراجى القط العامل بالسد العالى فى رسالته ارابعة لزوجته فاطنة احمد الغفار بجبلاية الفار .. لكن ده خللى لرسايل حراجى طعم تانى غير اللى تعودناه .. طعم حراق وممرر بطعم قلقه وخوفه .. لكن يفضل طعم جمال الكلمات والتعبير .. هى الأصل .. زى كل الجوابات الفاتت .



************




الرسالة الرابعة لحراجى القط

*******************
... وكالعادة كتب الأسطى حراجى القط .. على المظروف




العنوان ..







الجوهره المصونه

والدرة المكنونه
زوجتنا فاطنه أحمد عبد الغفار
يوصل ويسلم ليها
في منزلنا الكاين في جبلاية الفار



*****


قولى يا فاطنه للى بنقوللـُه وللى مبنقللـّوش..
الدنيا مش عيش بس ولا قروش.
ولا غيطان وفروش..
قولى يا فاطنه للـكل..
ان احنا كنا هبل.. وضيعنا العمر فاشوش.
حتقولى عليا اتجننت ولا عييت
ويا ريتنى مارحت الداهيه اللى اسمها اسوان..
ولا كنت طلعت من البيت.
لا يا فاطنه اللى بيقول الكلام ده ..
هوه حراجى اياه..
بس اللى قلب راسى يا فاطنه مش سهل ..
طب وحياة ولادى ساعات اصحى فى الليل..
عينى تتمط يا فاطنه وارقبكم بين النجم..
واعرف ان احنا مكـناش أهل .
طب كيف أهل يا فاطنه ..
وحياة اولادى يا بت الخال حاتجن .
قال أهل .. (( ونبيهه بت المنزوع ))
مره اتشاكلت قدامى مع ام الملوى .. وانفتح الموضوع.
وتقوللها يا حزينه
يا للى أبوكى مات م الجوع .
والدنيا يا فاطنه فى البر التانى ..
قالبه الدنيا .
ما هو ده اللى مغرفتلى كيانى ..
ومدوِّر لى راحة راسى ومخلينى زى ما كون واحد تانى.
(( نبيهه المنزوع )) فى البر التانى من الدنيا..
لبست بادله يا فاطنه سامعانى ؟ لبست بدله .
و ِنزْلت وسط المـكن المتخـبِّـل تربط وتحل .
إحنا يا فاطنه فين م الدنيا.. ؟
فين مخ الدنيا الجبار ..
ما عرفشي كيف جبلاية الفار .. ؟
ليه أم على اب عباس ملحوده حداكى فى الدرب . .
وقاعده تخطط فى ترابه وتعدِّد . ؟
ياهل الدنيا . . ام على اب عباس بتعدد وبتبـكى . .
لإن على قاعد وسطينا .
طب تاجى تبص فى وشه
والنبى بقى زى اللى بيسوقوا مراكب شحن ف بحر المينا
يا ناس .
ينعل أم عباس واللى جاب ام على اب عباس .
ده الراجل من كتر اللى شافه بقـى شعره ا ُبْـيض .
وقال .. يكتب جوابات .. ؟
خليها هيه ف حالها وسط الحريمات .
دلوقت يا فاطنه .. مش قرشينها بيجوها .. ؟
خلاص .
دلوقت على اب عباس سُـكـَـرى ؟. . حشاش ؟
م الصنف اللى بيغوى النسوان . ؟
ده حتى بطل دلوقتى كرسى الدخان .
وحكاية الشوق الزايد ع الحد ده .. ممنوع .
سيبك من غربة جوزك واستنبهى للموضوع
ده انتى يا فاطنه نبيهه .
وان عيد اتعلـّم بكره ..
وقرا حكايتى فى الجرانين . .
يبقى عنـِدك علم .
طب والنبى من جهة الهدّه .. هدّه ..
لـكن راس الواحد زى ما كان بتلفّ ف حلم .
أما حكاية كيف صاحب الفاس يصبح أوسطى . .
مبسوط انا ع اللى عامله ف راسك زى الخبطه .
يبقى برضه رجايا منصان ..
وضرورى ماشيه يا فاطنه فى سكة فِهْـم .
لفى العياييل فى الليل م البرد . .
ويقدّرنى على ما تخش الشتويه أنـِّقى لى حرام صوف .
شدى حيلك مع نفسك وولادك إعملى معروف . .
واما يعدّلها المولى حناجى .



زوجك
لوسطى حراجى





******************************



يارب تكونوا أستمتعتم بجوابات حراجى القط وهو حزين ومهموم .. زى ماأستمتعتم بجواباته وهو سعيد والبشر كان ماليه جواه وبراه .. لغاية هنا وخلصت جوابات حراجى المعروفة .. ويقال أنها 6 جوابات على أساس أن هذا العدد هو مجموع الجوابات المتبادلة بينه وبين فاطنة مرته .. والحقيقة أنهم 7 .. ولكن يقال أن هناك جوابات أخرى لم تنشر .. وإذا كانت موجودة فأكيد بإذن الله حاأجيبها لكم .. لكن علاقتنا بالأبنودى مستمرة .. ولسه عندى عشرات القصائد فى مجموعة الأبنوديات واللى حاأبتدى أنشرها عليكم قريب بإذن الله .. وفيها قصائد غير معروفة .. لكن فى المجمل فالأبنودى هو الأجمل .




أختيار وتعليق



صــلاح إدريــس



[/size]
[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الرسالة الرابعة لحراجى القط .
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
((((توماس))))((((عافية)))) :: ¤؛°`°؛¤ المنتديات العامه ¤؛°`°؛¤ّ :: °¨¨™¤¦ توماس((الشعر))عافية ¦¤™¨¨°-
انتقل الى: