الاهتمام بتوماس وعافية كوم امبو واسنا

السلام عليكم
اولا نشكركم على هذا المنتدى الجميل اللى بيحمل اسم بلدنا الغالى توماس وعافية واحنا ابناء توماس وعافية بالخارج كنا محتاجين منتدى بهذا الشكل الرائع ثانيا نريد منكم الاهتمام بتوماس وعافية كوم امبو واسنا اسوة بالقاهرة والاسكندرية وثالثا ليه لغيتو الاهداءات ياريت لو فى امكانية ترجعوها تانى وربنا ويوفقكم

كلامك اوحى لي بحاجة
منتدانا جميل جدا لانه بيعبر عن بلدنا توماس وعافيه

بس بيفتقر الى الابداع وده لازم نعترف بيه
يعني احنا محتاجين للتنويع في المواضيع والأقسام علشان يشد كل الناس ويعجبهم ويشتركوا فيه ويبقى له شعبية اكبر

علشان كده كلامك اوحى لي بفكرة

بما انك من"" ابناؤنا في الخارج"" فايه رايك نعمل قسم لده
وتحاول تجذب الناس اللي تعرفهم بارة مصر
عشان يعرضوا قضاياهم ومشاكلهم وطريقة حياتهم

ويعبروا عن غربتهم واكيد كلنا لينا ناس بارة عاوزين نشاركها وهم عاوزين يتواصلوا معانا

مستنية رد

السلام عليكم ورحمة الله وبركاته اولا اشكرك باهتمامك وبابداء رايك الجميل فى الموضوع الذى طرحته وثانيا فعلا ابناء توماس وعافية خارج مصر عددهم كبير وانا واثق من ادارة المنتدى قائمةللتطوير والجديد وافكار ك مميزة واكيد ادارة المنتدى هتهتم بيها لانها اقتراح مميز ومهم

السلام عليكم ورحمه الله

الاخ خليل صالح طبعا رايك جميل جدا اننا نهتم بتوماس وعافيه

لكن من وجهت نظرى ان المنتدى فعلا بيضم روح توماس وعافيه لكن لو ليه اسم تانى شامل النوبه حيكون احسن

عشان الى حيخش المنتدى مايبقاش مقيد بتوماس او عافيه فقط

.........................................................................................

الاخت : Emak مع تحياتى ليكى

طبعا المنتدى بيفتقر لروح الابداع ومحتاجين تجديد عشان نخرج من الطفره الى احنا فيها

لان سوا منتدى توماس وعافيه او اى منتدى تانى هى هى نفس الفروع والاقسام مافيش تنويع او تجديد

ولذلك ترى ان التنويع مطلوب وده لازم من نواحى كتيره مش شرط يكون داخل المنتدى يعنى

لازم يكون فى نشاطات اخرى مثل الجمعيات النوبيه ومتابعه اخبار النوبه داخل وخارج مصر

عشان الاخوه النوبيين المقيمين بالخارج لما يدخلو المنتدى يلاقى فى تجديد وتغير وملعومات مفيده

مش مجرد عضو نزل موضوع يستنى بقيت الاعضاء ترد عليه شكرا ومستنيين المزيد ؟

وشكرا

اعتقد اننا محتاجين اكتر شرح لوجهة نظرك علشان نعرف نستفيد بيها

السلام عليكم يااخ تايجر مع احترامى ليك كل بلد نوبى له منتدىباسمه ومستحيل يتغير اسم منتدانا اللى بيحمل اسم بلدنا الغالية توماس وعافية الى اسم تانى وبعدين فى مواقع نوبيةعامة زى البيت النوبى وصوت النوبة ومواقع اخرى واحنا واثقين ان المنتدى هيتطورمع الايام القادمة وهيكون فيه نشاط اكثر بفضل الادارة والمشرفين والاعضاء وانا معاك ان فى حاجات ناقصة السبب ان المنتدى لسة جديد ما كمل سنة

الاخ خليل صالح احب اوضحلك حاجه

ان منتدى البيت النوبى ده لما فتح مع احترامى ليك

كنا اتنين الى بنخش الموقع ده انا وصاحب الموقع الى هو

اسلام الكنزى ماكنش النت ساعتها متوفر زى دلوقتى

اما منتديات صوت النوبه تالت يوم افتتاح ليه رسمى كنا تلت انفار انا وعضوه ووردى الدكاوى

صاحب الموقع يعنى مش لسه ليه يوم ولا يومين ياغالى دول خمس سنين يعنى من 2003

بس المشكله مش فى كده المشكله دى واجهت برضه بعض المواقع النوبيه واتغير اسمها

لان الاسم مش شئ رسمى لا ده مجرد شئ ثانوى

يعنى مثلا منتدى توماس وعافيه معروف انه خاص بتوماس بس كعموما شامل اسم النوبه

لان ابسط الامثال لو حد متوكى دخل اشترك سيبك من متوكى عشان مانقلش عنصريه

نفترض ان انت عندك صديق جوربتى ودخل اشترك قالك ليه اسم المنتدى بنفس اسم البلد ليه مايكنش

شامل وهى حصلت فعلا

بس فى الاول والاخر هى مجرد وجهات نظر