((((توماس))))((((عافية))))

نوبى اصيل
 
اليوميةاليومية  البوابةالبوابة  س .و .جس .و .ج  بحـثبحـث  التسجيلالتسجيل  المجموعاتالمجموعات  دخول  الرئيسيةالرئيسية  مكتبة الصورمكتبة الصور  </a><hr></a><hr>  
المواضيع الأخيرة
» الامبراطور ..........لعبه جديده
الجمعة أبريل 26, 2013 1:40 pm من طرف احمد التوماسكى

» مكتبه الفنان :: اسامه الروس ::
السبت مارس 03, 2012 3:07 pm من طرف مصطفي توماسوعافية

» الـبـيـسمـبـيـس
الخميس أغسطس 11, 2011 1:37 pm من طرف جنة ابوسمبل

» بيسمبيس
الخميس أغسطس 11, 2011 1:04 am من طرف جنة ابوسمبل

» أم الدرداء تطلب زوجا فى الدنيا .. زوجا فى الجنة .
الخميس أبريل 28, 2011 10:48 pm من طرف صلاح ادريس

» تهنئة بسلامة الخروج الي حضن الاهل والاسرة
الأربعاء أبريل 27, 2011 10:48 am من طرف أبو يحي

» الي روح بو عزيزي
الجمعة مارس 18, 2011 11:26 am من طرف احمد التوماسكى

» موضوع هام جدا للمناقشة
الأربعاء مارس 16, 2011 7:27 pm من طرف صلاح ادريس

» دعوة لثورة أكبر
الإثنين فبراير 21, 2011 11:51 pm من طرف صلاح ادريس


شاطر | 
 

 كلمات الاغاني السودانية

اذهب الى الأسفل 
كاتب الموضوعرسالة
حسين سعودي
مشرف منتدى¨™¤¦ الاغانى النوبية والسودانية¦¤™¨
مشرف منتدى¨™¤¦ الاغانى النوبية والسودانية¦¤™¨
avatar

ذكر
عدد الرسائل : 325
العمر : 34
الموقع : فــي كــل مــكــان
المزاج : عادي كل يوم على حال
مزاج :
الدولة :
تاريخ التسجيل : 24/08/2007

مُساهمةموضوع: كلمات الاغاني السودانية   الأربعاء نوفمبر 07, 2007 6:12 pm

من روائع الموسيقار الفنان محمد الامين

**قالو متالم شوية
قالو متالم شوية
ياخى بعد الشر عليك
النضاره الفى شبابك
والطفولة الفى عينيك
والقلوب الحايمه حولك
ياحلو بتتمنى ليك
بكره تشفى وبكره نفرح
يا حبيب العمر بيك
ياخى بعد الشر عليك
انت ماشبه الدموع
انت ماشبه العذاب
انت ماكلك عواطف
انت ماكلك شباب
العمر عندك اسير
والعمر غيرك سراب
ياخى بعد الشر عليك
***************************
** ياحاسدين غرامنا ياقاصدين خصامنا

شوفو غيرى وغير حبيبى
يادايرين تقولو وماقادرين تقولو
ايه عايزين تقولو فيا وفى حبيبى
قولو وقولو قال مهما تقولو قال
مارايحين تنالو منى ومن حبيبى
قلبين ضماهم غرام
اتنين دنياهم سلام
محال يحصل خصام
بينى وبين حبيبى
عهدى فيه وعهدو فيا
ريدى ليه وريدو لليا
اوصف فيه ويوصف فيا
نصبر كمان نصبر شويه
نشيل املنا نقابل اهلنا
يقولو اهلا خلاص قبلنا
يتم منانا يفرح املنا
ونعيش برانا نعيش فى جنه
لا يقولو قالو لا يقولو قلنا
*********************
**ذاد الشجون
ماهو باين فى العيون وين حنهرب منو وين
الهوى البعث الليالى العامره بى ذاد الشجون
يفتح قلوبنا ديار محبه ديار محبه ديار حياه للعائدين
مابنقاوم وكيف حنقدر وين نهرب منو وين
مافتكرت الحظ يساعد عمرى يورق من جديد
من بعد فرقتنا ديك مين كان بيفتكرك تعود
كنت بحتاج ليك بشده وانت بعيد
مافى عيشه بلاك بتبقى ومافى نشوه ومافى ريد
ده الهوى الجنبك عرفتو عاطفه ملتهبه وجنون
ويـــن حنـــهـرب مـــنو ويــن
اه ادعينا وقلنا تانى ماحانشتاق فى عمرنا
وقبل ماتمر ليله واحده بحراره الشوق غمرنا
كم كم لهينا وقلنا يمكن ندفن الحب فى سهرنا
الحياة صعبة علينا وبى اثر فقدك شعرنا
شفت كيف حبك حياتنا انت يالحبك حياتنا
وكــيف بدون حــبك نكـون
وين حــنهــرب منو ويــــن
شفت كيف حبك بيعمل يشغل الوجدان ويعذب اه
وبرضو بتقول عنى خادعك وانى بتلاعب وبكذب
ليك حق دنياك خاليه لابتشيل هم لابتتعب
كنت تتعلم تجامل لو فؤادك مره جرب
انو مايدق دقه واحده الا ويتفجر حنين
يفتح قلوبنا ديار محبه ديار حياه للعائدين
**************************
**أربع سنين عاشم الحب

الليله عيد ميلاد

يا قلب

حبنا الحار

زينه الدار

ابننا البار

ابننا الحب

صونه يا رب

اربع سنين تجرى بأوقات مهرجانات

حب وأعياد اشتياقات

قلبى ريان بعالت ليها ابعاد



اربع سنين طفلنا الحب

طفلي من نار

طفلي بيعيش اغرب أطوار

يضحك الحان

يبكى أشعار

يأمر الناس يمشوا مشوار

اربع سنين
*******************
**حروف اسمك

جمال الفال

وراحه البال

وهجعة زول بعد ترحال

وثنيه حلوه للشباك

ودنيتنا ومشاويرنا

وغنواتنا اللى ما بتنقال

حروف اسمك

نجوم ركت على الياسمين

فرح فى عين جمالها حزين

واساور فى ايدى طفله بتحفظ فى كتاب الدين


زفاف عاشقين بعد فرقه وسط باقات دعاء الطيبين

حروف اسمك عقد منظوم بخيط النور

وطله ورده من السور

ونغمه تنادى من طنبور

وشعله فرحه فى الوادى تشع جزلاته ليها شهور

حروف اسمك وكت اشتاق واسرح فى عسل عينيك تحضنى قبل المس حرير ايديك

تأرجحنى00 وتفرحنى 00وتخلينى
أدق صدرى واقيف وسط البلد واهتف

بريييييييييييييييييييييييييييييييييييييييدك

يا صباح عمرى
************************
**اسمر جميل فتان ما بجود بمثله زمان

ملاك في شكل انسان سبحان من صور

عيونه نعسانه فتانه فتاكه

وقامته كالبانه يتهادى لو يخطر

اسمرفى طبعه فريد فات حسنه كل حدود

وسهام عيون السواد عليها من يقدر

اسمر ياساحر المنظر

فى صوته احلى نغم يشجيك اذا اتكلم

والحكمه لو يبسم بسم الجود يسحر

فى حدثه احلى غنا همساته تطربنا

ولو مره طرفه دنا كم للقلوب يأسر

حبيبى يا اسمر ياساحر المنظر
*****************
الفنان زيدان ابراهيم

**لا هماك عذابنا

لا هماك عذابنا لا دموعنا وشقانا
بنهديك المشاعر وتخون الأمانة
******
عارف ريدنا ليه كم قاسينا فيه
لو غاب من عيوننا دقيقة نخاف عليه
أصبح لينا مرسي نرتاح في عينيه
تمشي تخوننا إنت وتقول تتهني بيه
******
في ساعات غيابك نسأل وين تكون
وسدناك رموشنا وشيلناك في العيون
كيف يرضيك ضميرك تتنكر تخون
العشرة اللي كانت بتتحدي الظنون
******
سيبت مصيرنا ضايع مرساه العدم
في بحور السراب بين دمعات و هم
عشان آمالنا فيك قلبنا ما ظلم
خلاص عرف الحقيقة وما بفيدك ندم
******
لا هماك عذابنا ** لادموعنا وشقانا
بنهديك المشاعر ** وتخون الأمانة
***********************************


_________________
حسين بادياب



عدل سابقا من قبل في الأربعاء نوفمبر 07, 2007 6:24 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.napata.org
حسين سعودي
مشرف منتدى¨™¤¦ الاغانى النوبية والسودانية¦¤™¨
مشرف منتدى¨™¤¦ الاغانى النوبية والسودانية¦¤™¨
avatar

ذكر
عدد الرسائل : 325
العمر : 34
الموقع : فــي كــل مــكــان
المزاج : عادي كل يوم على حال
مزاج :
الدولة :
تاريخ التسجيل : 24/08/2007

مُساهمةموضوع: رد: كلمات الاغاني السودانية   الأربعاء نوفمبر 07, 2007 6:23 pm

الأبيض ضميرك
و عشت متهيم لي حبك كل ايامي و حناني
ابتساماتك عزيزة بتحرق الاهات عشانة
و كتنت شايلك في عيوني انا باني ليك ارفع مكان
بس لقيتك و انت داير انا لقيتك و انت داير
تظلم الحب بالمهانة

الدموع السايلة منك ياما سالت حرقتني
الظنون الحارقه قلبك كم شجتني اه و لهنتني
انا كنت بجني بجني شجاي محنة انا و انسي الامي انطوتني
ياما عينيك باقتدار
و ياما عينيك باقتدار الالم الماسي كم سجتني
انت يا يا الابيض ضميرك اه يا الابيض ضميرك
صافي زي قلب الرضيع
في كلامك في ابتسامك
احلي من من زهر الربيع
***********************
لو عارف عيونك توهت العيون
رقصت المشاعر وغنى معاها كون
شفنا الدنيا حلوة
فى رموشها وسرحنا
وصابحنا الامانى
واتمدد فرحنا
والحنية هلت
فى دنيانا طلت
بامر العيون
موال برضو غنوة
بس من نظرة حلوة
عاشت فى خيالنا
وفى وجدانا سلوى
واترسمت سنين
فى قليبنا الحنين
واتلاشت شجون
لما معاها نسرح
ونتوه فى الغناوى
ويداعب خيالنا
مشوار الحكاوى
تتلاقى امنياتنا
ونقول اغنياتنا
فى اجمل عيون
*********************
يا عقد اللولي اللولي يا بت يا حلوة يا لولي
يا حلاة الشامة في خدك والسن بتضوي اللولي
وين الحلوي وين راحو .. في ليلنا يضوو صباحو
بي بسمة يذيدو عمرنا وكان العزال ارتاحو
امتع بيها عيوني
اضوق من فاها السكر
لكن الحظ العاثر
خلاها تغيب ما تظهر
غشت الجيران لي ثواني
قليبي التاية ودر
في سري اقول يا الله
انشاء الله تغيب لي اكثر
******************************
المنديل
رسل لي ..رسل لي
هدية لطيفة خلت قلبي يحن ويميل
حرير أبيض مشغول بي قطيفة
صورة قلب وسهم نحيل
انت جميل والجابك لي ملاك وجميل
يا منديل ..يا منديل
هدية من ايدك مقبولة
معناها اني على بالك
ونعيد الأيام الأولى نتأمل حسنك وجمالك
انت جميل والجابك لي ملاك و جميل
يا منديل ..يا منديل
لما اسافر يوادع ويشاور
يشاور يوادع ...بالمنديل
لما اعاتبو يداري دموعو بالمنديل
لما أغازلو يداري الفرحة ..الفرحة ..الفرحة
بالمنديل
انت جميل والجابك لي ملاك و جميل

****************************


_________________
حسين بادياب

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.napata.org
حسين سعودي
مشرف منتدى¨™¤¦ الاغانى النوبية والسودانية¦¤™¨
مشرف منتدى¨™¤¦ الاغانى النوبية والسودانية¦¤™¨
avatar

ذكر
عدد الرسائل : 325
العمر : 34
الموقع : فــي كــل مــكــان
المزاج : عادي كل يوم على حال
مزاج :
الدولة :
تاريخ التسجيل : 24/08/2007

مُساهمةموضوع: رد: كلمات الاغاني السودانية   الأربعاء نوفمبر 07, 2007 6:28 pm

"الحزن النبيـــــل"
مصطفى سيد احمد

وبقيت أغني عليك غناوي الحسرة والأسف الطويل

وعشان أجيب ليك الفرح .. رضيان مشيت للمستحيل

ومعاكي لي آخر المدى .. فتيني يا هجعة مواعيدي القبيل

بعتيني لي حضن الأسى .. وسبتيني للحزن النبيـــــل

ومشيت معاك كل الخطاوي الممكنة وبقدر عليها وبعرفا

أوفيت وما قصرت في حقك ولا كانت عرفة غيرك أصادفا

وقدر هواك يجيبني ليك .. جمَع قلوبنا وولفها

وقتين بقيتي معايا في أعماقي في أعماق مشاعري المرهفة

لا منك إبتدت الظروف لا بيك إنتهت الأماني المترفة

ندمان أنا ؟! .. أبداً وحاتك عمري ما عرفت الندم

ما أصلوا حال الدنيا تسرق منية في لحظة عشم

وأنا عندي ليك كان الفرح رغم إحتمالي أساك يا جرح الألم

كان خوفي منك جاي من لهفة خطاك على المواعيد الوهم

وأهو نحن في الآخر سوا باعنا الهوى ماشين على سكة عدم

… وبقيت أغني عليك غناوي الحسرة والأسف الطويل


************************************************

_________________
حسين بادياب

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.napata.org
حسين سعودي
مشرف منتدى¨™¤¦ الاغانى النوبية والسودانية¦¤™¨
مشرف منتدى¨™¤¦ الاغانى النوبية والسودانية¦¤™¨
avatar

ذكر
عدد الرسائل : 325
العمر : 34
الموقع : فــي كــل مــكــان
المزاج : عادي كل يوم على حال
مزاج :
الدولة :
تاريخ التسجيل : 24/08/2007

مُساهمةموضوع: رد: كلمات الاغاني السودانية   الأربعاء نوفمبر 07, 2007 6:36 pm

بعادك طال - رائعة الاستاذ الكابلى

يا أغلى من عينيّ وأحلى من إبتسامتي
و أحن من المحنة الفي رقّة سلامي
بعادك طال

* * * * * * * * *
مكتوب في جبيني غرامك وإنت عارفو
باين في كلامي في عينيّ شايفو
قلبي دعاهو حبك كيف يقدر يخالفو
لكن بعادك طال

* * * * * * * * *
يا أصدق مودة عاشت في الضمير
تقاسمني المسرة تملأ فؤادي نور
و أنسى معاك صعابي يهون أمري العسير


* * * * * * * * *

و أقول ليك يا حبيبي غيرك ما في تاني
ليك تذرت عمري و ليك رقيق حناني
ومن جنة هوانا نهدي الناس أغاني
***********************
الطير المهاجر
غريب ..
وحيد في غربتو
حيران ..
يكفكف دمعتو
حزنان..
يغالب لوعتو
ويتمنى
بس لي أوبتو
طال بيه الحنين
فاض بيه الشجن
واقف يردد ..
من زمن

بالله ياالطير المهاجر للوطن
زمن الخريف
تطير باسراع
ماتضيع زمن
أوعك تقيف
وتواصل
الليلة
للصباح
تحت المطر
وسط الرياح
وكان تعب منك جناح
في السرعة زيد
في بلادنا ترتاح
ضل الدليب أريح سكن

فوت بلاد وسيب بلاد
وإن جيت بلاد
وتلقى فيها النيل
بيلمع في الظلام
زي سيف مجوهر
بالنجوم من غير نظام
تنزل هناك وتحيي
ياطير باحترام
وتقول سلام
وتعيد سلام
على ..
نيل بلادنا
وشباب بلادنا
ونخيل بلادنا
بالله يا طير
قبل ما تشرب
تمر على بيت صغير
من بابه ومن شباكه
بلمع الف نور
وتلقى الحبيبة بتشتغل
منديل حرير
لحبيب بعيد
تقيف لديها
وتبوس إيديها
وانقل إليها
وفاي ليها
وحبي الأكيد

*********************


_________________
حسين بادياب

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.napata.org
smsm_elnoby
مشرف منتدى¨™¤¦ الفيديو والكليبات¦¤™¨
مشرف منتدى¨™¤¦ الفيديو والكليبات¦¤™¨
avatar

ذكر
عدد الرسائل : 160
العمر : 27
تاريخ التسجيل : 20/09/2007

مُساهمةموضوع: رد: كلمات الاغاني السودانية   الجمعة نوفمبر 16, 2007 1:29 pm

شكراً على مجهودك يا حسين
SmSm ToMaS
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حسين سعودي
مشرف منتدى¨™¤¦ الاغانى النوبية والسودانية¦¤™¨
مشرف منتدى¨™¤¦ الاغانى النوبية والسودانية¦¤™¨
avatar

ذكر
عدد الرسائل : 325
العمر : 34
الموقع : فــي كــل مــكــان
المزاج : عادي كل يوم على حال
مزاج :
الدولة :
تاريخ التسجيل : 24/08/2007

مُساهمةموضوع: رد: كلمات الاغاني السودانية   الأحد نوفمبر 18, 2007 12:23 am

وانا بشكرك على المرور يا SmSm ToMaS
وبتمنى ان الشغل يكون عجبك

_________________
حسين بادياب

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.napata.org
 
كلمات الاغاني السودانية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
((((توماس))))((((عافية)))) :: °¨¨™¤¦توماس(( الفنان))عافية¦¤™¨¨° :: °¨¨™¤¦ توماس(( الاغانى النوبيةوالسودانية))عافية¦¤™¨¨°-
انتقل الى: