((((توماس))))((((عافية))))

نوبى اصيل
 
اليوميةاليومية  البوابةالبوابة  س .و .جس .و .ج  بحـثبحـث  التسجيلالتسجيل  المجموعاتالمجموعات  دخول  الرئيسيةالرئيسية  مكتبة الصورمكتبة الصور  </a><hr></a><hr>  
المواضيع الأخيرة
» الامبراطور ..........لعبه جديده
الجمعة أبريل 26, 2013 1:40 pm من طرف احمد التوماسكى

» مكتبه الفنان :: اسامه الروس ::
السبت مارس 03, 2012 3:07 pm من طرف مصطفي توماسوعافية

» الـبـيـسمـبـيـس
الخميس أغسطس 11, 2011 1:37 pm من طرف جنة ابوسمبل

» بيسمبيس
الخميس أغسطس 11, 2011 1:04 am من طرف جنة ابوسمبل

» أم الدرداء تطلب زوجا فى الدنيا .. زوجا فى الجنة .
الخميس أبريل 28, 2011 10:48 pm من طرف صلاح ادريس

» تهنئة بسلامة الخروج الي حضن الاهل والاسرة
الأربعاء أبريل 27, 2011 10:48 am من طرف أبو يحي

» الي روح بو عزيزي
الجمعة مارس 18, 2011 11:26 am من طرف احمد التوماسكى

» موضوع هام جدا للمناقشة
الأربعاء مارس 16, 2011 7:27 pm من طرف صلاح ادريس

» دعوة لثورة أكبر
الإثنين فبراير 21, 2011 11:51 pm من طرف صلاح ادريس


شاطر | 
 

 هى الدنيا ضلمت كده ليه ؟؟

اذهب الى الأسفل 
كاتب الموضوعرسالة
صلاح ادريس
عضو شـــغـــا ل
عضو شـــغـــا ل
avatar

ذكر
عدد الرسائل : 124
العمر : 67
مزاج :
الدولة :
تاريخ التسجيل : 07/08/2009

مُساهمةموضوع: هى الدنيا ضلمت كده ليه ؟؟   الثلاثاء يناير 11, 2011 9:41 pm


بســــم الله الرحمـــــن الرحيــــــــم



ــــــــــــــــــــــــــــــــــــــــــــــــــ ــــــ


أسم الموضوع :- هى الدنيا ضلمت كده ليه ؟
أسم الكاتــــب :- صــلاح إدريـــس
رقم الموضوع :- ( 106 )
التاريــــــــخ :- الثلاثاء 11 يناير 2011
التصنيـــــــــف :- سـاخـر


*******************



أهلى وناسى وأصدقائى الأعزاء ..




هذه المقالة تم نشرها بعمودى الأسبوعى ( صريح االعبارة ) بجريدة الأتجاه المعاكس الأسبوعية فى عدد 22 أكتوبر 2010 .. ولأن مابه من فقرات قد أصبحت قديمة نوعا ما .. إلا أن مجلة جديدة بصدد التأسيس والأصدار قريبا بأسم ( SOUT SINAI ) .. وهى مجلة سياسية ـ أجتماعية ـ سياحية شاملة .. وتصدر باللغات ( العربية والأنجليزية والإيطالية والروسية ) ..وقد تفضل السيد رئيس مجلس الإدارة بتشريفى بالكتابة الأسبوعية بالمجلة .. وطلب منى بصفة شخصية البدء بمقالة ( هى الدنيا ضلمت كده ليه ) .. لهذا أعدت صياغة المقال وزدت عليه بعض الموضوعتات التى أستجدت على الساحة حتى نهاية 2010 .. ويارب تعجبكم .



*****




هى الدنيا ضلمت كده ليه ؟



ــــــــــــــــــــــــــــــــــــــــــــــــــ ـــــ





* ( لو النملة بلعت جوز حمام .. والناموسة ولدت دكر نعام .. ديل الكلب عمره ماينقام ) .



( نهيتك ماأنتهيت والطبع فيك غالب .. وعمر ديل الكلب ماينعدل ولو علّقوا فيه قالب )



المثالان الشعبيان السابقين بمناسبة أنتخابات مجلس الشعب الأخيرة .. وخيبتنا الكبيرة !!



*****




* حجب برنامج القاهرة اليوم ومقدمه عمرو أديب .. ومنع إبراهيم عيسى من تقديم برنامجه على ( أون تى فى ) .. ثم عزله من رئاسة تحرير الدستور .. ومنــــــع د. علاء صادق من الظهور على القنوات المصرية !!.. ومن قبلهم ملاحقة حمدى قنديل عبر العالم العربى كله !!! والآن الجميع يترقب من عليه الدور من الشرفاء الباقيين على الساحة الإعلامية .. وربنا يستر علىنا .. وعلى الجرائد المستقلة ..لأن شكلنا كده داخلين على أيام سودة .. وضلمة كحل .. والرؤية منعدمة !!



*****




· كل الشواهد بتقول إن فيه سحابة سودة جاية على الإعلام المصرى .. والدليل أن قناة الجزيرة تستعد "بسعادة وسرور " لإستعادة ريادتها .. وعودة جمهورها المصرى الكبير .. وآهو رزق الهبل على المجانين !! .. وبينى وبينكم أنا واحد من عشاق قنوات الجزيرة ( لأنهم محترفين ) !!



*****



* قضايا النواب والعلاج على نفقة الدولة .. أرتفاع الأسعار المتواصل .. إنقطاع الكهرباء المستمر .. قضايا الفساد اليومية .. مدينتى ومدينتك .. سرقة آثار ولوحات بملايين .. جنون الطماطم ..وغلاء اللحوم والخضر والزيوت وكل السلع الأستهلاكية .. والبطالة .. كل دى كانت حاجات متعمدة من الحزب الوطنى والحكومة .. لتحسين الصورة قبل الأنتخابات .. عجبى !!



*****



* ألم يكن من الأفضل لوزير التعليم أن يؤجل موضوع الحقوق الفكرية .. وأزمة الكتب الخارجية إلى العام القادم بعد تطوير الكتب الحكومية بدلا من العبء الكبير المضاف على أعباء الأسرة المصرية لخلق سوق سوداء للكتاب الخارجى .. ودلوقت عايز يحول المدارس امميزة الخاصة لمدارس حكومية .. زى مايكون مش هاين عليه يلاقى حد ناوى يفهم فى البلد دى !! ياعم سيب التعليم فى حاله .. المشرحة ناقصة قتلى يابدر البدور .



*****



* بعد مهزلة الأنتخابات الأخيرة .. وكل الهزل اللى فى حياتنا .. أكتشفت أن مافيش فى حياتنا حاجة تفرحنا .. وتجّمعنا غير الكورة .. وحتى الكورة اليومين دول معاندة معانا !! لكن أخيرا فرحنا بجد بفوز الشقيقة قطر وهى واحدة من أصغر دول العالم .. على أكبر دول العالم بتقديمها ملف مشّرف للفيفا .. أهلها للفوز بتنظيم كأس العالم 2022 .. أنتظروا قطر مستقبلا .. فهى رغم صغرها قوية .. ذكية .. تعرف خطواتها جيدا .. قطر ياسادة هى النمر القادم عربيا وأعلاميا .



*****



* ترشح 9 وزراء دفعة واحدة فى أنتخابات مجلس الشعب .. ونجاحهم كلهم بأكتساح .. ووجودهم وهم يمثلون 30% من مجلس الوزراء فى مجلس الشعب والمفترض فيه أنه جهة رقابية على وزارتهم .. !! هل سيتم مراقبتهم فعلا ؟ هل سيتمتعون بالحصانة عن الرد على أى معارضة .. !!( وبلاش أقول معارضة علشان مافيش معارضة أصلا فى هذا المجلس !! ) هل سيردون على أى أسئلة من باقى أعضاء المجلس ؟ هل وجودهم بمجلس الحزب الوطنى ( الشعب سابقا ) سيوجد ألفة وصداقة وعيش وملح ولب وكباب وألعاب على الموبايلات .. ويمكن كيكة ع العالى وكيكة ع الواطى بينهم وبين الأعضاء ويبقى زيتنا فى دقيقنا ؟ بصراحة مش فاهم إزاى المراقب والجهة التنفيذية تكون رقييب وجهة رقابية وتشريعية ؟؟ أنا دماغى لفت فلا العملية دى قانونية !! ولا دستورية !! لكن يمكن تكون مهلبية !! واللى فاهم حاجة ينورنى والنبى !!



*****



* ماحدث فى كواليس أنتخابات مجلس الشعب الأخيرة من أختلاف الأشقاء .. وأبناء العمومة وتعديهم على بعض .. وملايين الجنيهات التى صرفت على الأنتخابات .. والبلطجية وضرب النار والسحل .. كل هذا جعل ناس تقول أن كرسى مجلس الشعب من دهب ومرصع بالزمرد والياقوت والمرجان .. لكن الحقيقة أن الكرسى دهب ومرصع بالماس والياقوت والزبرجد .. والأهم أنه بيبّيض كل يوم بيضة دهب .. وأنتم عارفين الدهب أرتفع سعره جدا !!



*****



* كل الأجهزة التنفيذية والبيئة والسياحة وغيرهم بيحاولوا يطفّشوا ( القرش ) من شرم الشيخ ومش قادرين !! مع أن الحكاية أسهل مما يكون فماعليهم سوى الأستعانة بشرطة مكافحة المخدرات !!!.



*****



* توقيت شتوى .. توقيت صيفى .. توقيت شتوى .. توقيت صيفى .. حرام عليكم جالنا برد !!!



*****



صــــلاح إدريــــــس



salahedris@gmail.com




زيارتكم .. تسعدنى .. وتشرفنى ..




لمدونتى ( بالبلدى الفصيح )



http://plackprince.blogspot.com/2010/07/blog-post.html
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هى الدنيا ضلمت كده ليه ؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
((((توماس))))((((عافية)))) :: ¤؛°`°؛¤ المنتديات العامه ¤؛°`°؛¤ّ :: °¨¨™¤¦ توماس(( الــعـــام ))عافية ¦¤™¨¨°-
انتقل الى: