لو غابت شمس الحريه
مين ديه يابابا؟...ديه طنط سميه
ومين ده يابابا؟ده ضابط مفروض يحميها..شغال مع حرس الكليه
ليه ضربوه بالشالوت وكمان لوكاميه
بص كمان ..ده بيضربها بخرطوم الميه
بص يا بابي ..بيعاملوها زي ما بيعاملوا الحراميه
والاسعاف مارضيتشي تاخدها..
قوللي يابابا هي تبع لوزاره الصحه.. ولا لوزاره الداخليه
لأ يا حبيبي..طنط سميه ولا نصابه ولا حراميه
ولا تاجرت في البودره يا أبني..ولا باعت مصنع ..بهديه
ولا دخلت مجلس بالكوسه..ولا سرقت عرق الأجريه
ولا نهبت أموال الدوله..ولا خانت مصر العربيه
ولا قالت يسقط لمبارك..ولا رشقت حرس الدوريه
ديه رفضت شخص يفتشها..وقالت له أنا حره..ابيه
وحجابي ده شيء بيشرفني..لو أنا إخوان..أو سلفيه
لو مديت إيدك..ح أقطعها..في الفيس بوك ح أعملها قضيه
وجريمتك ع اليو تيوب تظهر.. للبلد إللي خيبتها قويه
ولو لابسه الجينز وبتدلع..أو جيبه مفتوحه شويه
كنت تبوس لي أيادي يا فالح..وكمان تمسحلي العربيه
ده الكرس ما بيدومشي يا باشا..واليوم ده ليك ..بكره ده ليه
ح تضيع البلد إللي حميتنا ..لو غابت شمس الحريه
وح ييجي اليوم إللي ح تعرف..إنك في الجبهه المنسيه
د.هاني بخاري
استشاري الجراحه
البوابة 
